Misirdə fövqəladə vəziyyət rejimi 3 ay uzadılıb
Baxiş sayı:
Dərc olunub:
25/06/2018 - 00:31
Bu gün Misir parlamentində keçirilən səsvermədə ölkədə fövqəladə vəziyyət rejiminin növbəti dəfə 3 ay uzadılması dəstəklənib.APA-nın "RİA Novosti" agentliyinə istinadən verdiyi məlumata görə, bundan əvvəl Misir prezidenti Abdel Fəttah as-Sissi bu barədə müvafiq sərəncam imzalayıb.
Misirdə fövqəladə vəziyyət rejimi 2017-ci ilin aprelində, Tante və İsgəndəriyyə şəhərlərində terror aktları törədiləndən sonra tətbiq olunmağa başlanıb. Həmin iki terror aktında 50-dən çox insan həlak olub, 100-dən çox insan yaralanıb. Ölkə qanunvericiliyinə görə, fövqəladə vəziyyət rejimi hər dəfə 3 ay olmaqla uzadılır.
Hazırda Misirdə ölkənin şimalı və mərkəzindəki Sinay yarımadasında terrorizmə qarşı geniş masştablı əməliyyat keçirilir.
Şərhlər
Hər hansısa bir şərh yazılmayıb.