TƏHSİL NAZİRİNƏ YENİ MÜAVİN TƏYİN OLUNDU - Daha bir müavin təyinatı gözlənilir
Azərbaycan təhsil nazirinə yeni müavin təyin olunub. Bu gün günorta saatlarında "AzPolitika.info"nun verdiyi məlumat təsdiqlənib.
Prezidentin müvafiq sərəncamli ilə Məhəbbət Məhərrəm qızı Vəliyeva təhsil naziri Ceyhun Bayramovun müavini vəzifəsinə təyin edilib.
O bunadək Bakı Şəhəri üzrə Təhsil İdarəsinin müdiri vəzifəsində işləyirdi.
Qeyd edək ki, təhsil nazirinin daha bir müavini postu boşdur. Bu posta da Təhsil Problemləri İnstitutunun (TPİ) direktorunun səlahiyyətlərini icra edən Emin Əmrullayevin təyin ediləcəyi gözlənilir.
***
Prezident seçkisindən sonra hökumətin yeni tərkibini təsdiqləyən dövlət başçıslı İlham Əliyev baş nazir, onun bəzi müavinləri ilə yanaşı, bir sıra nazirlik, komitə və xidmətlərin rəhbərlərini də dəyişdi. Uzun müddətdən sonra Nazirlər Kabinetinin tərkibində aparılan struktur və kadr islahatları çərçivəsində hökumətin tərkibinə yeni simalar qatıldı. Ancaq dəyişikliklər bununla yekunlaşmadı.
Nazirlik və komitələrdə müavinlərlə bağlı təyintlar davam etdirilir. Demək olar ki, bütün nazirliklərə və komitələrə yeni müavinlər gətirilir. Dünən prezidentin sərəncamı ilə mədəniyyət nazirinə 2 yeni müavin təyin olunması da bunun əyani göstəricisidir.
Yeni müavinlərin təyin olunacağı gözlənilən qurumlardan biri də Təhsil Nazirliyidir. "AzPolitika.info"ya verilən bilgiyə görə, yaxın zamanlarda bununla bağlı prezidentin sərəncamlarının elan olunacağı gözlənilir.
Dəqiq məlumat olmasa da, təhsil nazirinin müavinləri vəzifəsinə Bakı Şəhəri üzrə Təhsil İdarəsinin müdiri Məhəbbət Vəliyevanın və Təhsil Problemləri İnstitutunun (TPİ) direktor əvəzi Emin Əmrullayevin gətiriləcəyi gözlənilir.
1991-2003-cü illərdə Səbail rayonu 190 nömrəli tam orta məktəbdə müəllim, 2003-2008-ci illərdə “XXI əsr” Ümumtəhsil Mərkəzində təlim-tərbiyə işləri üzrə direktor müavini, 2008-2014-cü illərdə akademik Zərifə Əliyeva adına liseyin direktoru vəzifəsində çalışıb.
Psixologiya üzrə fəlsəfə doktorudur.
2014-cü il 5 dekabrdan etibarən Bakı Şəhəri üzrə Təhsil İdarəsində müdir müavini kimi fəaliyyət göstərib.
Sabiq təhsil naziri Mikayıl Cabbarovun 28 dekabr 2015-ci il tarixli 11/1280 nömrəli əmrinə əsasən, Bakı Şəhəri üzrə Təhsil İdarəsinin müdiri vəzifəsinə təyin edilib.
Rasim
AzPolitika.info
Şərhlər
Baki tehsil idaresi ele qabaqcil idare idi ki?Baki mekteblerinde tehsilin seviyyesinin veziyyeti hamini narahat etdiyinden,ushaqlarini repititorlara gondermeye mecbur olan valideynlerden niye bu barede rey sorushulmur.Kimin xoshuna geler ki,mekteberde normal tehsil ala bilmemek uzwnden qazana bildikleri zehmet haqqini repititorlara serf etsin7 Bele tehsil idaresinin direktoru nazirlikde ne edecek7Kadrlar bele secilende netice de onceden beli olur.Cox pis!
naraziciliginizi dile getirmeyin yoldaslar onsuz ki de serhinizi vermeyecek azpolitika yalniz abel meherremov istisna olmaqla.halbuki habil memmedov kimi birinin vergide helede islemesi dehsetdi amma deyen yazan yoxdu
Kadrların yenilənməsi məncə yaxşı haldır.Təhsil nazirliyində hazırda da şöbə müdiri vəzifəsində işləyən, lakin Lənkəran Dövlət Universitetin rektoru vəzifəsini iki ildən çoxdur icra edən Natiq İbrahimova niyə daimi vəzifə verilmir? Onu nazirin müavini və ya daimi rektor vəzifəsinə təyin etmək olmazmı? Yeni nazirimiz C. Bayramov cənabları belə xırda, lakin narahat edici məsələlərə baxsa daha yaxşı oar!
Bəzi nazirlər əvvəlki nazirlərin ölənlərinə rəhmət oxutdururlar.
təhsilimiz Finlandiyanın təhsilini də ötüb keçəcək...
Azərbaycanda təhsil və səhiyə sistemi bərbad hala salınıb.Kursların inkişaf etdirilməsi dolaysıyla Təhsil sisteminin məhvinə aparır.Süni təhsil verilməsi, elmin inqibatorlaşması Xalqın təhsildən uzaqlamasına rəvac verir. Tezliklə Təhsil konsepsiyası hazırlanıb,təmiz özəl təhsil sisteminə keçilməlidir.Yoxsa Təhsil sistemindəki karrupsiya gələcəyimizi tamamiylə məhv edəcək.
Deme olkede TPI Tehsil Problemleri Inistitutu da varmis.Ona gore tehsilde problemler hell oluna bilmir.
Təhsilə qayğı təhsili düşünərək edilməlidir,Kor-koranə yox!.........
Nə yazaq ki sənin xoşuna gəlsin?! Bəsdir artiq gah nala gah da mıxa vurdunuz. Nə məzhəbə qulluq elədiyinizi açıq deyin ki, ya birdəfəlik saytivizdan uzaqlaşaq ya da sizi təqib etməyə davam edək. Yeni nazir musvininin fəlsəfə doktoru ünvanini harda aldığı maraqlı idi mənə. Onu da suruşdum sizdən....