PREZİDENT DÖVLƏT KOMİSSİYASI YARATDI - Baş Prokurorluq istintaqa başladı

Prezident İlham Əliyev “Azərbaycan İstilik Elektrik Stansiyası” MMC-nin yarımstansiyalarından birində baş vermiş qəza ilə əlaqədar Dövlət Komissiyasının yaradılması haqqında sərəncam imzalayıb.

APA-nın xəbərinə görə, sərəncamda deyilir ki, 2018-ci il iyulun 3-də Mingəçevir şəhərində yerləşən “Azərbaycan İstilik Elektrik Stansiyası” MMC-nin yarımstansiyalarından birində, cərəyan transformatorunda qəza baş verib:

"Bununla əlaqədar Bakı və Gəncə şəhərləri də daxil olmaqla, respublikanın 39 şəhər və rayonunun elektrik enerjisi ilə təminatında fasilə yaranıb. Təxirəsalınmaz tədbirlərin həyata keçirilməsi nəticəsində bir neçə saatdan sonra elektrik enerjisi ilə təminat əsasən bərpa olunub.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, baş vermiş hadisənin səbəblərini araşdırmaq və nəticələrini aradan qaldırmaq məqsədi ilə qərara alıram:

1. “Azərbaycan İstilik Elektrik Stansiyası” MMC-nin yarımstansiyalarından birində baş vermiş qəza ilə əlaqədar aşağıdakı tərkibdə Dövlət Komissiyası yaradılsın:

Komissiyanın sədri

Azərbaycan Respublikası Baş nazirinin birinci müavini

Komissiya sədrinin müavini

Azərbaycan Respublikasının energetika naziri

Komissiyanın üzvləri

Azərbaycan Respublikasının daxili işlər naziri

Azərbaycan Respublikasının fövqəladə hallar naziri

Azərbaycan Respublikasının Baş prokuroru

Azərbaycan Respublikasının Dövlət Təhlükəsizliyi Xidmətinin rəisi

“Azərenerji” Açıq Səhmdar Cəmiyyətinin prezidenti

“Azərişıq” Açıq Səhmdar Cəmiyyətinin sədri

Mingəçevir Şəhər İcra Hakimiyyətinin başçısı

Azərbaycan Milli Elmlər Akademiyası Fizika İnstitutunun direktoru.

2. Dövlət Komissiyası:

2.1. hadisənin baş verməsi səbəblərini araşdırsın və bu barədə Azərbaycan Respublikasının Prezidentinə məlumat versin;

2.2. qəzanın nəticələrinin aradan qaldırılması üçün təxirəsalınmaz tədbirlər müəyyənləşdirsin və həyata keçirsin;

2.3. görülmüş işlər haqqında Azərbaycan Respublikasının Prezidentinə mütəmadi məlumat versin.

3. Azərbaycan Respublikasının Baş Prokurorluğu baş vermiş hadisənin səbəblərinin araşdırılması və təqsirkar şəxslərin müəyyən edilərək məsuliyyətə cəlb edilməsi üçün Azərbaycan Respublikasının Daxili İşlər və Fövqəladə Hallar nazirlikləri ilə birlikdə təxirəsalınmaz istintaq tədbirlərini həyata keçirsin.

635x100

Şərhlər

Hörmətli oxucu! 2018-07-03 14:16:21

Bismillahir-Rəhmanir-Rəhim Suallar: 1-ci rəsmi rəqəmlərə görə, elektroenergetika sahəsinə təxminən 5 milyard manat pul xərclənib-bəs nəticə hardadır? 2-ci bayraq meydanına ayrılan 250 milyon manat və bayraq hardadır? 3-ci görərsən 1-ci və 2-cı sual arasında nə əlaqə var? Əziz həmvətənlər,bu məmurlar ictimaiyyətin gözünə “kül üfürməklə”məşğuldular. Bu hələ harasıdır?

Vətəndaş 2018-07-03 14:16:21

Bu məsələdə uçastkovu günahkardır. Uçastkovu hara baxırdı bəs, niyə vaxtında aşkarlayıb tədbir görməyib.

hgff 2018-07-03 14:16:21

Bineqedide bina yananda jekin mudirini tutumushdular

məmmədqulu 2018-07-03 14:16:21

1998-ci ildə yayda Moskva şəhərində güclü yağışla müşayət olunan qasırğa baş verdi. Qasırğa nəticəsində Moskva təsərrüfatına və şəxsi maşınlara ağacların qırılması ilə əlaqədar xeyli ziyan dəydi. Yağış nəticəsində Varşavski şossenin Sadovı koltso ilə birləşməsində körpünün altında kanalizasiya işləmədi və Varşavski şossedə 6-7 saat böyük tıxac yarandı. Mer Y.Lujkov MosVodKanalın bütün rəhbər heyətini və Hidrometrologiya İdarəsinin rəhbərliyini yarıtmaz iş üçün işdən qovdu. Bizdə görəsən kim gedəcək??

Son yazılar