Prezident Zakir Qaralovun səlahiyyətlərini artırdı: 7 fərman

Azərbaycan Prezidenti İlham Əliyev bu gün ikinci fərman verib.Prezident Korrupsiyaya qarşı Mübarizə İdarəsinin səlahiyyətlərini genişləndirib və onun Baş İdarə olması barədə fərman imzalayıb.

Bundan başqa, Korrupsiyaya qarşı Mübarizə Baş İdarəsinin ştat vahidi 100 nəfərdən 140 nəfərə qaldırılıb və onun tərkibində struktur genişlənməsi aparılmasına imkan tanınıb.

Prezidentin digər fərmanı ilə “Əməliyyat-axtarış tədbirlərinin həyata keçirilməsində əməliyyat-axtarış subyektlərinin səlahiyyət bölgüsü haqqında” Azərbaycan Respublikası Prezidentinin 2001-ci il 19 iyun tarixli 507 nömrəli Fərmanında dəyişiklik edilib və burada da İdarənin Baş İdarəyə çevrilməsi barədə Fərman verilib.

Prezident İlham Əliyev daha 5 fərman imzalayıb.“Prokurorluq haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 1999-cu il 24 dekabr tarixli 232 nömrəli Fərmanında dəyişikliklər edilməsi haqqında.

Azərbaycan Respublikası Prezidentinin 2006-cı il 18 aprel tarixli 391 nömrəli Fərmanı ilə təsdiq edilmiş “Azərbaycan Respublikasının Ədliyyə Nazirliyi haqqında Əsasnamə”də dəyişikliklər edilməsi barədə.

“Azərbaycan Respublikasının bəzi qanunvericilik aktlarına dəyişikliklər və əlavələr edilməsi barədə” Azərbaycan Respublikası Qanununun tətbiq edilməsi haqqında” Azərbaycan Respublikası Prezidentinin 2003-cü il 2 yanvar tarixli 834 nömrəli Fərmanında dəyişiklik edilməsi barədə.

Azərbaycan Respublikası Prezidentinin 2007-ci il 28 sentyabr tarixli 634 nömrəli Fərmanı ilə təsdiq edilmiş “İnzibati xətalar haqqında işlərə baxmağa səlahiyyəti olan vəzifəli şəxslərin Siyahısı”nda dəyişikliklər edilməsi barədə.

“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 23 fevral tarixli 66 nömrəli Fərmanında dəyişiklik edilməsi haqqında.

635x100

Şərhlər

Hər hansısa bir şərh yazılmayıb.

Son yazılar