Azərbaycanlı hakim Avropa çempionatının Hollandiya-Almaniya matçına təyinat alıb
Baxiş sayı:
Dərc olunub:
19/07/2018 - 16:33
Azərbaycanlı hakim Xəyalə Əzizzadə İsveçrədə 19 yaşadək qızlardan ibarət futbolçular arasında keçiriləcək Avropa çempionatında növbəti təyinatını alıb.
"Report"un UEFA-nın saytına istinadən verdiyi məlumata görə, beynəlxalq dərəcəli hakim B qrupunun Hollandiya-Almaniya matçında yan xətt hakimi funksiyasını yerinə yetirəcək. Qarşılaşmanın baş hakimi xorvatiyalı İvana Martinçiç olacaq.
Qeyd edək ki, Hollandiya - Almaniya matçı iyulun 21-də Bakı vaxtı ilə saat 20:15-də başlanacaq. Avropa çempionatına iyulun 30-da yekun vurulacaq. Xəyalə Əzizzadə daha öncə B qrupuda baş tutan Hollandiya - İtaliya oyununda yan xətt hakimi olub.
Şərhlər
Hər hansısa bir şərh yazılmayıb.