FUTBOLUMUZDA NƏ BAŞ VERİR? - Oliqarxlar klubların pullarını azaldıblar

 Azərbaycan klublarının hamısı ilk turda Avropa Liqasını tərk etdi

Avropa Liqasında I təsnifat mərhələsinə yekun vurulub. Сavab oyunları çərçivəsində baş tutan qarşılaşmalarda üç Azərbaycan klubu da meydana çıxıb. Öncə Bakıdakı matç start götürüb. “Keşlə” öz meydanında “Baltsan”ı qəbul edib. Bakılılar 1:4 hesablı səfər məğlubiyyətinin əvəzini 2:1-lə çıxsa da, bu, mərhələ keçmək üçün yetərli olmayıb.

“Qəbələ” Lüksemburqda “Proqres”lə görüşüb. Əyalət təmsilçisi evdəki 0:2 hesablı yenilginin revanşını tək qolla alıb. Amma Stiv Monrozun vurduğu qol turu keçməyə kifayət etməyib.

“Neftçi” isə Macarıstanda “Uypeşt”in qonağı olub. Bakılılar 3:1 hesablı qələbədən sonra səfərə üstün yollansa da, meydan sahibləri paytaxt təmsilçisini şoka salıb. Roberto Bordnin komandası 0:4 hesablı darmadağınla Budapeştdən boynubükük dönür.

Qeyd edək ki, Avropa Liqasında bütün klubların I təsnifat mərhələsində mübarizəni dayandırması futbolumuzda böhran yarandığından xəbər verir. Bu da təsadüfü deyil.  "AzPolitika.info"ya verilən məlumata görə, futbol klublarına nəzarət edən oliqarxlar pul kisələrinin ağzılarını bağladığından, onların bir çoxu əsas oyunçularını itirib. Qalanlar da stimul olmadığından, əvvvəlki kimi oynamırlar. Nəticədə  "Qarabağ" istisna olmaqla bütün klublar ilk turda Avrokuboklarda mübarizəni dayandırdılar.

Məlumatlı mənbə iddia edir ki, belə davam edərsə, bəzi klublar ümumiyyətlə fəaliyyətini dayandıra bilər.

AzPolitika.info

635x100

Şərhlər

Əhməd 2018-07-20 10:08:23

Kimə lazımdır bu yalançı fütbol hər şey pulnandırsa gedib Fransanın komandasını alıb bayrağımısı maykalarına vurub olaq dünya çempionu. Keçirdiyimiz 2ci 3cü dərəcəli idmançılarla olimpiada kimidə fütbulumuz var.Adam bir dəfə onların oyununa baxanda futboldan irgənir və bir neçə il futbola baxmır Pula niyə hayfınız gəlmir?

Son yazılar