Deputatdan qiymət artımına REAKSİYA – “Burada şou yaratmağa ehtiyac yoxdur” 

Dərc olunub: 31/07/2018 - 18:50

rustemxelilobMilli Məclisin deputatı Rüstəm Xəlilov Tarif Şurasının metro və avtobuslarda gediş haqqının artırılması ilə bağlı qərarına münasibət bildirib.

R.Xəlilov “Ölkə.Az”a açıqlamasında deyib ki, bu qərara normal yanaşmaq lazımdır:

“Burada şou yaratmağa ehtiyac yoxdur. Tarif Şurası baxıb, müzakirə edib və müvafiq qərar qəbul edib. Burada qeyri-adi nə isə yoxdur. Bir çox ölkələrdə bu cür qərarlar verilir”.

Deputat sərnişindaşıma nəqliyyatında olan qiymət artımının digər sahələrə təsir göstərməyəcəyini söyləyib:

“Bu qərarın digər sahələrdə də qiymət artımına gətirəcəyi ilə bağlı səslənən fikirləri düzgün qəbul etmirəm. Bu cür düşünmək doğru deyil. Tarif Şurasının qərarı normaldır. Bu, dünyanın hər yerində olur. Eyni zamanda Azərbaycanda da ola bilər”.






loading...


Fikrinizi bildirin