Türkiyə lirəsi rekord ucuzlaşmasını davam etdirir

Dərc olunub: 10/08/2018 - 13:34

lira_080118Türkiyə lirəsinin məzənnəsi ABŞ dollarına nisbətdə ucuzlaşmasını davam etdirir.

Trend-in məlumatına görə, lirə son sutka ərzində 10 faizdən çox ucuzlaşıb.

Belə ki, bu gün səhər saatlarında 1 dollar 6,2826 lirə təşkil etsə də, daha sonra lirə bir qədər sabitləşərək dollara nisbətdə 5,8346 lirəyədək azalıb.

Eyni zamanda isə 1 avro əvvəlcə 7,2264 lirə, daha sonra 6,6963 lirə təşkil edib.

Türkiyə lirəsi manata qarşı da ucuzlaşır. Avqustun 10-da bir manat 7 faiz möhkəmlənərək 0,2965 lirəyə bərabər olub.

Qeyd edək ki, il ərzində lirə dollara qarşı 35 faiz, avroya qarşı 40 faiz ucuzlaşıb.








loading...


Fikrinizi bildirin