Cüdoçularımız vətənə 4 medalla qayıtdılar
Baxiş sayı:
Dərc olunub:
30/07/2014 - 19:47
Praqada gənclər arasında cüdo üzrə Avropa kuboku yarışları keçirilib.
AzVision.az xəbər verir ki, yarışa 11 idmançı ilə qatılan Azərbaycan millisi Vətənə 4 medalla qayıdıb.
Milli komandamızın üzvləri Davud Məmmədov (60 kq) və Hüseyn Rəhimli (73 kq) fəxri kürsünün ən yüksək pilləsinə qalxıblar. Yalnız finalda komanda yoldaşına uduzan Fəqan Quluzadə (73 kq) gümüş medalla kifayətlənib. Firudin Dadaşov (90 kq) isə bürünc medala sahib olub.
Yığmamız komanda hesabında (36 ölkə) üçüncü yeri tutub.
Şərhlər
Hər hansısa bir şərh yazılmayıb.