Qüdrət Həsənquliyev Vaqif Axundovu təbrik edib

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Azərbaycan Respublikası Xüsusi Dövlət Mühafizə Xidmətinin rəisi, general-polkovnik Vaqif Axundova XDMX-nin yaranmasının 25 illiyi münasibətilə təbrik məktubu göndərib. Məktubda deyilir:

“Hörmətli cənab general-polkovnik!

Sizi Azərbaycan Respublikası Xüsusi Dövlət Mühafizə Xidmətinin yaranmasının 25 illiyi və 1-ci dərəcəli “Vətənə xidmətə görə” ordeni ilə təltif olunmağınız münasibətilə təbrik edirəm!

Xüsusi Dövlət Mühafizə Xidməti yarandığı ilk gündən dövlətçiliyimizin keşiyində dayanmış, yüksək peşəkarlığın, düzgünlüyün və Vətənə sədaqətin rəmzlərindən birinə çevrilmiş, ölkəmizdə digər güc strukturları ilə birlikdə bu gün də təhlükəsizliyə və sabitliyə böyük töhfələr verməkdədir.

Azərbaycan Respublikasının ərazi bütövlüyü uğrunda gedən döyüş əməliyyatlarında da XDMX hərbi qulluqçuları şərəflə iştirak etmiş, qəhrəmanlıq nümunələri göstərmişlər.

Azərbaycan Respublikası Prezidentinin Sərəncamı ilə Хüsusi Dövlət Mühafizə Хidmətinin hərbi qulluqçularının orden və medallarla təltif edilməsi XDMX-nın fəaliyyətinə verilən yüksək qiymətin bariz nümunəsidir.

Hörmətli Vaqif müəllim,

Sizi və rəhbərlik etdiyiniz Xüsusi Dövlət Mühafizə Xidmətinin bütün hərbi qulluqçularını XDMX-nın yaranmasının 25 illiyi münasibətilə bir daha təbrik edir, möhkəm cansağlığı, fəaliyyətinizdə uğurlar arzulayıram”.

635x100

Şərhlər

Hər hansısa bir şərh yazılmayıb.

Son yazılar