Azərbaycan Premyer Liqasının debütantı “Zirə”ni məğlub edib

Dərc olunub: 25/08/2018 - 22:47

0d1bc00f-62b6-4147-b126-3368fa4acec9_292Futbol üzrə Azərbaycan Premyer Liqasının III turu çərçivəsində daha bir oyun keçirilib.

“Report” xəbər verir ki, “Zirə” debütant “Sabah”ı qəbul edib.

“Dalğa Arena”da baş tutan matç qonaqların 2:0 hesablı qələbəsi ilə nəticələnib.

Elşad Əhmədovun rəhbərlik etdiyi kollektiv Marko Deviçin 2 və 30-cu dəqiqələrdə vurduğu qollarla qalib gəlib. Yay fasiləsində paytaxt klubuna qoşulan ukraynalı forvard cari çempionatda vurduğu qolların sayını 4-ə çatdırıb və bombardirlik yarışında mövqeyini möhkəmlədib.

Bu qələbədən sonra xalını 6-ya çatdıran “Sabah” 2-ci pilləyə yüksəlib. Debütant eyni xala malik “Neftçi”dən top fərqinə görə geri qalır. Hesabında 1 xalı olan “Zirə” isə 1 pillə geriləyib və 7-ci yerə düşüb.

Turun açılış oyununda “Qəbələ” evdə “Sumqayıt”la heç-heçə edib – 1:1. Həftəyə avqustun 26-da keçiriləcək “Keşlə” – “Səbail” və “Qarabağ” – “Neftçi” görüşləri ilə yekun vurulacaq.










loading...


Fikrinizi bildirin