ABBAS ABBASOVUN OĞLU BAKI AEROPORTUNDA SAXLANILIB! - Sabiq deputat hardadır?
Xəbər verdiyimiz kimi, dünən Baş nazirin sabiq birinci müavini Abbas Abbasovun oğlu Aydın Abbasov Azərbaycanın hüquq-mühafizə orqanları tərəfindən saxlanılıb. “AzPolitika.info”ya daxil olan məlumatda Gəncənin sabiq deputatı A.Abbasovun Bakıya gələrkən Heydər Əliyev Beynəlxalq Hava Limanında saxlanıldığı bildirilib. Ancaq indiyə qədər bununla bağlı hər hansı rəsmi açıqlama verilməyib.
“AzPolitika.info” ötən müddət ərzində məlumatı dəqiqləşdirməyə çalışsa da, rəsmi olaraq nə təsdiq, nə də təkzib cavabı ala bilib.
Ancaq özəl mənbələrimiz vasitəsilə əldə etdiyimiz məlumatlar A.Abbasovun saxlanılması xəbərinin doğru olduğunu söyləməyə əsas verir. Bunu başqa faktlar da təsdiqləyir.
Əvvəla, xəbərin yayılmasından bir sutkaya yaxın vaxt keçsə də, nə sabiq deputatın özü və yaxınları, nə də rəsmi mənbələr məlumatı təkzib etməyiblər.
İkincisi, fəal “facebook” istifadəçisi olan A.Abbasov dünəndən bu yana “fb” üzərindən müraciətlərimizi cavablandırmır.
Yalnız sabiq deputatın yaxın dostlarından biri, A.Abbasovla dünən gecə saat 3.00 radələrində danışdığını bildirib. İddia edib ki, guya sabiq deputat Bakıya gəldiyini, hər şeyin yaxşı olduğunu söyləyib...
Ancaq “AzPolitika.info”ya verilən yeni məlumatlarda A.Abbasovun saxlanıldıqdan sonra DİN-in Baş Mütəşəkkil Cinayətkarlıqla Mübarizə İdarəsinə aparıldığı, hazırda istintaq altında olduğu, dindirildiyi bildirilir.
Eyni zamanda onun saxlanılmasının Gəncə hadisələri ilə bağlı ola biləcəyinə dair ehtimallarımız da təsdiqlənir.
Xatırladaq ki, Aydın Abbasov, Gəncə Şəhər İcra Hakimiyyətinin başçısı Elmar Vəliyev silahlı hücuma məruz qalarkən, “facebook” üzərindən bu hadisəni bir növ təqdir edən paylaşım etmişdi.
Sabiq deputatın həmin gün “facebook”da paylaşdığı 2 bənd şeirdə gəncəlilərə xəyanətdən və buna görə cəzadan söhbət açılırdı.
Mümkündür ki, onun Elmar Vəliyevin güllələnməsi hadisəsinə bu reaksiyası, terrora dəstək və ya təhrik kimi qiymətləndirilsin.
Hər halda hər şey rəsmi açıqlamadan sonra aydınlaşacaq.
Rasim
AzPolitika.info
***
"AzPolitika.info"ya daxil olan məlumata görə, Baş nazirin sabiq birinci müavini Abbas Abbasovun oğlu Aydın Abbasov bu gün Bakıya gələrkən Heydər Əliyev Beynəlxalq Hava Limanında Azərbaycanın hüquq-mühafizə orqanları tərəfindən saxlanılıb.
Məlumatı rəsmi və digər mənbələrlə dəqiqləşdirməyə çalışırıq.
Sabiq deputat Aydın Abbasovun saxlanmasının Gəncə hadisələri ilə bağlılığı ola biləcəyi ehtimal olunur.
Şərhlər
Cox maraqli bir paradoksdur! Niye gore kiminse, hec Aydin bey deyil, bir basqasidir.,onun sozlerinde bir qiyama caqiris ve ya Sevinc axtarirlar, amma zulm altinda illerle inleyen Gence camaatinin siyayetlerine hec baxmirdilar???? Niye?! Insan basqasini beyene ya beyenmeye biler. Burada hec bir cinayet yoxdu. Amma burada is deyesen basqadir. "Qurd ve quzu" temsili. Axi Aydin bey A. Abbasovun oqludur. Ele gireve dusmusken hesabi beraberlesdirmek ucun yeqin ki,Fursetdi!!! ----.......
Bu şeirdə nə terrora,nə də təhrikə dəstək yoxdur.Bəli hər r/n-nun,şəhərin başçısı ğzünü o məkanın sahibi yox,adi vətəndaşı hesab edib,öz vəzifə borcunu layiqincə yerinə yetirməklə,məkan vətəndaşların hər bir dərdinə şərik olmalıdır.Əgər olmursa bu şeir də ona aiddir.Ya Gəncə olsun,ya Şəki,Ya Sumqayıt,Ya Lerik və s.Hüquq-mühafizə orqanları öz vicdanları ilə araşdırma aparsalar heç nə yoxdur.Qəti göstəriş olsa,onda xalq da haqqın tərəfində olar.