AZƏRBAYCANDA OTEL SAHİBİ HƏBS OLUNDU - 6 milyon dollar borcu var

Azərbaycanda otel rəhbəri 6 milyon dollarlıq borca görə həbs edilib.Qafqazinfo-nun məlumatına görə, Abşeron rayonunda yerləşən "Neapol" otelinin sahibi Şükür Əhmədov "AccesBank"ın şikayəti əsasında saxlanılıb.Onunla bağlı iş Baş Prokurorluğun Korrupsiyaya Qarşı Mübarizə Baş İdarəsinin İstintaq Şöbəsində araşdırılır.

Ş.Əhmədov 2013-cü ildə "AccesBank"dan 5 milyon dollar kredit götürüb və bir müddət qaydasında ödəniş edib. O, kreditdən 2,5 milyon dollar ödədikdən sonra manatın iki dəfə devalvasiyası onun ödənişlərinə problem yaradıb.

Kreditin qaytarılmasının gecikməsi işin mülki qaydada məhkəmədə həllinə gətirib çıxarıb. "AccesBank"ın şikayəti əsasında mülki iş üzrə Abşeron Rayon Məhkəməsində "Neapol"un sahibi Şükür Əhmədova qarşı iddia qaldırılıb və hazırda proses davam edir.

Məhkəmə prosesi gedişatında bank cinayət işi ilə bağlı da şikayət edib. Kredit müqaviləsində təyinatı müəyyənləşdirilməyib, kredit borcu isə təminatlı olub. Ş.Əkbərov kredit götürərkən dəyəri təxminən 20 milyon dollar qiymətləndirilən otelini girov kimi qoyub.

Ş. Əkbərovun indi banka borcu 4 milyon dollardır, bank həmçinin dəbbə (ödənişin gecikməsinə görə cərimə) pulu kimi təxminən 2 milyon da tələb edib.

Korrupsiyaya Qarşı Mübarizə Baş İdarəsinin araşdırmasından sonra Ş.Əkbərova qarşı Cinayət Məcəlləsinin 308-ci (vəzifə səlahiyyətlərindən sui-istifadə) və 195-ci ( krediti təyinatı üzrə xərcləməmə) maddəsi ilə ittiham irəli sürülüb.

Müstəntiqin vəsatəti əsasında avqustun 24-də Ş. Əkbərov barəsində Binəqədi Rayon Məhkəməsinin qərarı ilə 1 ay müddətinə həbs qətimkan tədbiri seçilib. O, istintaq təcridxanasına köçürülüb.

635x100

Şərhlər

Hesabdar 2018-08-27 11:24:23

Müəllif nədənsə 20 milonluq girov hoтelin adını açıqlamaıb? Bank nədən, Neapolu ilk aуlıq və уa rüblük odəniş borcuna gorə məhkəməуə verməib? Bu cinaуəт orтaqlıgı deуilmi?

Vekil 2018-08-27 11:24:23

Krediti alib qaytarmamaq duzgun olmayan bir hereketdir lakin cinayet deyil! Ortada muqavile var sertler var bu anlasilmamazliqdir korupsiya idaresinin selahiyetlerinden tam kenar bit isdir umumiyyetle her iki teref devlet deyil mulki qaydada mehkeme qrasdirmasidir prakurorluq qoydugu madde bunlarin isine uygun gelmir...

Son yazılar