Rusiya XİN-dən Ermənistanın Azərbaycana şərti müharibə elan etməsinə münasibət
Dağlıq Qarabağ münaqişəsi güc tətbiq olunmadan həll edilməlidir.
Bunu Trend-in Ermənistan parlamentinin “Şant-2018” komanda-qərargah təlimləri çərçivəsində Azərbaycana şərti müharibə elan etməsi qərarının münaqişənin həlli prosesinə təsiri barədə sorğusuna cavab olaraq Rusiya Xarici İşlər Nazirliyindən (XİN) bildiriblər.
XİN-dən deyiblər: “Biz dəfələrlə vurğulamışıq ki, Dağlıq Qarabağ münaqişəsi güc tətbiq olunmadan, yalnız sülh yolu ilə həll edilməlidir. Bununla əlaqədar olaraq tərəflərin diqqətini 2017-ci ilin oktyabrında Cenevrədə əldə olunmuş razılığa əsaslanan danışıqlar prosesinin fəallaşdırılmasına yönəltməsini daha aktual hesab edirik”.
Qeyd edək ki, Ermənistan parlamenti “Şant-2018” komanda-qərargah təlimləri çərçivəsində Azərbaycana şərti müharibə elan etmişdi. Müvafiq məlumat parlamentin saytında yerləşdirilmişdi.
Şərhlər
RUS DİNC YOLLA HƏL ETMƏYİ DEDİKDƏ ONU NƏZƏRDƏ TUTUR Kİ,HƏR İKİNİZİ BUXOVDA SAXLAYACAM.QARABAĞ MƏSƏLƏSİNİN SƏBƏBKARI VƏ İŞĞAL EDİB ERMƏNİYƏ VERƏNİ RUSİYADIR. VƏSSALAM.