“ƏKS HALDA, MƏN OĞLUMU QORUYA BİLƏRDİM…” – İlyas İsmayılov

Dərc olunub: 20/09/2018 - 22:48

1db670ef74b3f64b991fd55664f7ac52“Mən bu xəbəri kədərlə, acı çəkə-çəkə qəbul etdim. Bu, mənim üçün çox böyük itkidir”.Bunu virtualaz.org-a oğlu Etimad İsmayılovun qətli haqda informasiyanı şərh edərkən sabiq baş prokuror İlyas İsmayılov deyib.

İ.İsmayılov qeyd edib ki, oğlunun həyat yoldaşı, jurnalist Sevil Nuriyeva ona zəng vurub və deyib ki, qatil Gözəl Dəmirovun onun oğluna böyük miqdarda borcu olub.

“Görünür, o, borcunu belə ödəyib”, - İ.İsmayılov deyib.

Oğlunun Gözəl Dəmirovla ümumi biznesinin olub-olmadığı ilə bağlı suala cavabında İlyas İsmayılov bildirib ki, Etimad onu öz işlərinə qatmayıb: “Əks halda mən öz oğlumu qoruya bilərdim”.

Xatırladaq ki, qətl hadisəsi İstanbulun Florya rayonunda Etimad İsmayılovun ofisində baş verib. Dəmir Gözəlov ona üç dəfə atəş açıb. Başından 2 və ürəyindən 1 güllə yarası alan Etimad İsmayılov aparıldığı xəstəxanada vəfat edib.

***
ilyas-is-11537421740Xəbər verdiyimiz kimi, dünən gecə Ədalət Partiyasının sədri İlyas İsmayılovun oğlu, azərbaycanlı iş adamı Etimad İsmayılov Türkiyənin İstanbul şəhərindəki ofisində qətlə yetirilib. Onu qətlə yetirən şəxs də azərbaycanlıdır – Gözəl Dəmirov adlı sabiq polis rəisi, iş adamı..

Modern.az saytı İlyas İsmayılovla əlaqə saxlayıb. O, saytımıza açıqlamasında xəbərin şokundan heç nə düşünə bilmədiyini deyib:“Ata üçün oğul itkisi çox ağırdır. Etimadın itkisi hamımızın ürəyini ağrıdır. Xəbərin ağırlığından çox sarsılmışam. Axırıncı dəfə 3-4 gün bundan qabaq telefon danışığımız olub. Xüsusi şübhələndiyimiz kimsə də olmayıb. Başqa nəsə danışa bilmirəm. Sadəcə, Etimadın öldürülməsi mənə pis təsir edib. Heç nə düşünə bilmirəm”.

İlyas İsmayılov qısa olaraq qatilin oğluna borcu olduğunu bildirib:“Etimadın kiminləsə problemi olmayıb. O, iş adamı olub və həmin qatilin də ona borcu olub”.

Qeyd edək ki, azərbaycanlı iş adamı Etimad İsmayılov, İstanbuldakı ofisində silahlı hücuma məruz qalıb. Başından 2, sinəsindən 1 güllə ilə yaralanan İsmayılov xəstəxanaya çatıdırılsa da həyatını xilas etmək mümkün olmayıb. Silahlı hücumu törətdikdən sonra hadisə yerindən qaçan digər azərbaycanlı iş adamı, sabiq polis rəisi Gözəl Dəmirov artıq polis tərəfindən saxlanılıb.

Azərbaycanın tanınmış dövlət və ictimai-siyasi xadimi İlyas İsmayılov ölkənin keçmiş baş prokuroru və ilk ədliyyə naziri olub. Hüquq elmləri doktoru, professor İ.İsmayılov həm də keçmiş millət vəkilidir.








loading...


Fikrinizi bildirin