CAHANGİR ƏSGƏROV AİLƏ HOLDİNQİNİN RƏHBƏRİNİ DƏYİŞDİ - AZAL prezidentindən 400 milyon tələb olunur
"Silk Way Holding" MMC-nin prezidenti Zaur Axundov vəzifəsindən azad edilib.
Bu haqda "AzPolitika.info"ya özəl mənbələrdən məlumat daxil olub. Məlumatda bildirilir ki, "Silk Way Holding" MMC-nin prezidenti vəzifəsi hələlik Zaur Axundovun müavininə tapşırılıb.
Bundan əlavə, holdinqin tərkibinə daxil olan “Silk Way Connect” MMC-nin rəhbəri də dəyişib. Belə ki, Emin Etibar oğlu Ələkbərzadəni Zaur İbrahim oğlu Nəsirov əvəz edib. O, həm də holdinqə daxil olan “Silk Way Bank” ASC-nin Audit komitəsinin üzvü, “Silk Way Insurance” ASC-nin isə Təftiş komissiyasının sədridir.
Eyni zamanda “Silk Way Holding” MMC-nin bu il aprelin 24-də təsis etdiyi “Silk Way Connect” MMC-nin nizamnamə kapitalı kəskin artırılaraq 200 manatdan 1 mln. ABŞ dollarına çatdırılıb.
"AzPolitika.info" xatırladır ki, “Silk Way Holding” AZAL prezidenti Cahangir Əsgərovun biznes imperiyasına daxildir. 4 iyul 2006-cı ildə C.Əsgərovun yaxın qohumlarından birinin adına təsis etdiyi holdinq, qısa müddətdə bir imperiyaya çevrilib. Rəsmi hesabatlara görə, AZAL prezidenti Cahangir Əsgərovun ailə üzvləri – həyat yoldaşı Zərifə Həmzəyeva, qızları Məlahət və Cəmilə aviaşirkətin infrastrukturundan istifadə edən «Silk Way Holding» şirkətlər qrupunun, qrupa daxil olan sığorta şirkətinin və bankın əsas payçılarıdır.
[caption id="attachment_452431" align="alignleft" width="300"]
Mənbənin məlumatına görə, C.Əsgərovun Zaur Axundovu vəzifəsindən azad etməsinə səbəb “Silk Way Holding”in fəaliyyəti üçün Beynəlxalq Bankdan götürülmüş kreditlərin qaytarılmasında çox ciddi problemlərin yaranmasıdır. Belə ki, “Silk Way Holding” qurulduqdan sonra Beynəlxalq Bankdan 400 milyon dollar kredit götürülüb.
Yəqin ki, digər vəzifəli şəxslərin şirkətlərinə, himayələrindəki iş adamlarına verilən 100 milyonlarla kredit kimi, bu halda da hər hansı girov tələb olunmayıb. Sadəcə, AZAL prezidentinin o zaman Beynəlxalq Banka rəhbərlik edən adaşından xahişi 400 milyonun “Silk Way Holding” ayrılması üçün kifayət edib. Görünür ortada girov olmadığından, şirkət kreditləri qaytarmağa maraq göstərməyib. Ancaq Prezidentin fərmanı ilə Beynəlxalq Bankın problemli kreditlərinin "Aqrarkredit" Qapalı Səhmdar Cəmiyyətinə dövr edilməsi və onun rəhbəri “şapka Mamed” kimi tanınan Məmməd Musayevə istənilən vasitə ilə pulların yığılmasının tapşırılması vəziyyəti dəyişib.
Məlumata görə, hazırda Cahangir Əsgərovdan Beynəlxalq Bankdan götürülmüş kreditlərin qaytarılması tələb olunur. Lakin çox ciddi nağd pul problemi üzündən C.Əsgərov bu tələbi yerinə yetirə bilmir. Elə Cahangir Əsgərovun da buna görə, yəni Beynəlxalq Bankdan götürülən kreditlərin qaytarılmamasının məsuliyyətini “Silk Way Holding”in rəhbərliyinin üzərinə qoymaq üçün Zaur Axundovu vəzifəsindən azad etdiyi bildirilir. Hətta inandırıcı olsun deyə AZAL prezidentinin “Silk Way Holding”də təftiş başlatdığı da qeyd olunur. Bununla C.Əsgərovun vaxt qazanmağa çalışdığı, yoxsa ümumiyyətlə 400 milyonu qaytarmaq istəmədiyini söyləmək çətindir.
Ancaq əsas ofisi beynəlxalq hava limanında yerləşən “SW Holding”in qazancı qarşısında 400 milyonun elə də böyük pul olmadığını söyləyə bilərik. Bu holdinqin tərkibinə əsasən aviasiya sahəsində fəaliyyət göstərən xeyli sayda şirkət daxildir. Hansı ki, bu şirkətlər vasitəsilə Cahangir Əsgərov böyük pullar qazanır. Holdinqə daxil olan şirkətlərdə minlərlə insanın çalışması onun biznes imperiyasının həcmini təsəvvür etməyə imkan verir.
Holdinqə daxil olan şirkətlər bunlardır: Airport Gate; Airport Hotel; Azal Sığorta; Baku Cargo Terminal (BCT); Duty Free; Euroasian Cargo; Ground Handling Company (GHC); Silk Way Airlines; Silk Way Bank; Silk Way Business Aviation; Silk Way Construction; Silk Way Helicopter Services (SWHS) ; Silk Way Technics (SWT); Silk Way Information Technologies (SWIT); SW Catering & Supply; Sky Catering ; SW Travel; Turan Air və sair.
Qeyd edək ki, Əsgərov bu holdinqi yaratmaqla «AZAL» QSC-yə, yəni dövlətə məxsus gəlirli sahələri öz şirkətlərinə transfer edib. Bu qurumun bütün gəlirli sahələri Əsgərovun «Silk Way Holdinq»inə transfer olunub. Cahangir Əsgərov bu holdinq vasitəsi ilə Azərbaycan SƏMASINI sözün həqiqi mənasında İNHİSARA ALIB və bu sahədən HƏR İL külli miqdarda qazanc götürür. Təkcə karqo daşınmalardan - xarici ticari əməliyyatlardan Əsgərovun holdinqinin qazancı 100 milyonlarla ölçülür.
Belə ki, karqo daşınmaları Əsgərovun holdinqinin offşor kampaniyalar vasitəsilə həyata keçirdiyi bildirilir. Bu da holdinqə ildə bir neçə yüz milyon dollar gəlir gətirir. Yükdaşımaların böyük hissəsi «Silk Way” Aviaşirkəti vasitəsilə həyata keçirilir.
Belə böyük qazanc əldə edən holdinqin Beynəlxalq Bankdan götürdüyü 400 milyon dollar krediti qaytarmamasını, əlbəttə, məntiqlə izah etmək çətindir. Ancaq unutmayaq ki, Azərbaycanda yüksək rütbəli məmurların bir çoxu dövlətdən yalnız almağa öyrəşib. Ona görə də, C. Əsgərovun 400 milyonu geri qaytarmaq üçün müxtəlif üsullara əl atması elə də təəccüblü deyil...
Murad
AzPolitika.info
Şərhlər
Xalqini milletini seven milli ruhda boyuyen ana dilinde serbest danisan cahangir beye esq olsun
Ölkə dağılıb,milləti eşidən yox,Pasportlarını dəyişib vəzifələrə daraşanlar soyğunçuluğu davam edir.Təəcüblüsü də odurki. milyardları oğurlayanlar sərbəst, bir mağazadan çörək,yağ,toyuq oğurlayanlar həbsdə!
Siz hansı 400 mln.-dan söhbət açırsınız? Bəs istifadə olunub qazanc gətirən təyyarələrin köhnəlməsindən demirsiniz, hansı ki onları təzələmək lazım olacaq. Sual, hansı pulların hesabına? Bunları soruşmaq lazımdır+++++... .
beyem bilmirsiz ki SilkVay kimindir ne cahangir?
Azərbaycanin 20% -ni ermənilər..... Xalg isə yatir.
Qeyri millət nwmayəndləri Azərbaycanı soymaqda davam edir.Rəsmi Ermənistan Qarabağ və 7 rayonu 25 ildir soyur , içərimizə girənləri isə ailə poduratı təşkil edib,şirkətləri.holdinqləri yaradıb qalan rayon və çəhərləriaölar günə qoyublar.Sanki Azal-a başqa adam tapılmır.Adam istədiyiniz qədər tapılar.Ancaq əsl azərbaycanlıları eşidib,sayan yoxdur.Çünki hamısı onlardandr.Ölkə soyulmaqda davam edir.
Bu insana mənim zərrə qədər də hörmətim yoxdur. Belə ki öz doğma dilində danışmaması və ya danışa bilməməsi ətrafında kadrların əksəriyyətinin Azəridilli olmaması Telman İsmayılovun ad günündəki silah hədiyyəsi yaşının bu vaxtında tvist oynayaraq onu telefona çəkənə orta barmağını göstərməsi və s. və i. görə nəticə etibarı ilə özü haqqında Cəmiyyətdə bilərəkdən və ya bilməyərəkdən mənfi fikir formalaşdırır. Necə deyərlər bu da bizim ağsaqqalımız...
O getsə idi Azərilərə də icazə verərdirlər orada işləməyə. Bu kimdirsə bizim millətə necə nifrət edirmişsə uzun illər orada Azəri işə götürməyib neçə ki icimaiyyət,jurnalislər xəbər tutmamışdır. İsdi deyəsən maskirovka üçün bir neçə nəfər götürülüb. Aəroport elə yerdir ki, orada ölkənin talehi həll edilir. Ölkənin var dövləti əsasən buradan talanır,talanmışlar buradan daşınır. Biz necə millətik nə gündəyik? Bütün pul neft qaz və başqa strateji toçkalar yadların əlindədir.
Bu yazılanlar deyəsən Ermənistanda olub....
..negeder milleti belli olmayan ve ya qarşıq qanlı desen,burada tapmag olar,vezifede...