ABŞ səfiri Qarabağ münaqişəsinin həll yollarının axtarışları haqda

Dərc olunub: 09/10/2018 - 21:29

257029_res_01ABŞ Dağlıq Qarabağ münaqişəsinin nizamlanmasında yeni həll yollarının axtarışı imkanlarını görür. “Novosti Armenia” agentliyi xəbər verir ki, bunu ABŞ-ın Ermənistandakı səfiri Riçard Millz prezident Donald Trampın Qarabağ münaqişəsinin həlli üçün yeni imkanların yaranması barədə bəyanatını şərh edərkən deyib.

“Düşünürəm ki, Trampın bəyanatında sirr yaxud gizli mesajlar yoxdur. Biz ölkələrdə siyasi prosesləri görürük. Bu, ötən il Azərbaycanda keçirilən seçkilər və may ayında Ermənistanda baş verən hadisələrdir. ABŞ prezidentinin müraciəti onunla bağlıdır ki, o, hər iki ölkədə Qarabağ münaqişəsinin nizamlanmasında yeni həllərin axtarılmasına kömək edəcək yeni impuls və əhval-ruhiyyə görür. Bu, ümid müraciətdir”, - deyə o vurğulayıb.

Qeyd edək ki, Tramp Ermənistanın müstəqillik günü münasibəti ilə baş nazir Nikol Paşinyana göndərdiyi təbrik məktubunda yaxın aylarda Qarabağ nizamlanması üçün yeni imkanların açılacağını bildirib.








loading...


Fikrinizi bildirin