Ölkəyə silah-sursatla gələn Azərbaycan vətəndaşı gömrük postunda saxlanılıb

Azərbaycan gömrükçüləri psixotrop maddə və silah-sursatın gömrük nəzarətinə bəyan edilmədən Azərbaycan ərazisinə gətirilməsi cəhdinin qarşısını alıblar.

Bu barədə “Report”a Dövlət Gömrük Komitəsindən (DGK) məlumat verilib.

DGK-nın Şimal Ərazi Baş Gömrük İdarəsinin "Samur" gömrük postunda Rusiyadan gələn Azərbaycan vətəndaşı gömrük nəzarəti zamanı metal detektordan keçərkən cihazın reaksiyasına əsasən saxlanılıb və üzərində şəxsi yoxlama aparılıb.

Şəxsi yoxlama nəticəsində, vətəndaşın şalvarının arxa sol cibində kağıza bükülmüş şəkildə, xalis çəkisi 0,082 qram olan psixotrop maddə - apirrolidinovalerofenon (a-PVP) və şalvarının arxa hissəsində bel nahiyəsinə keçirilmiş 4,5 mm kalibrli pnevmatik tapança aşkar edilib.

Əl yüklərinə baxış zamanı isə vətəndaşın çantasında gömrük nəzarətinə bəyan edilməyən 1 ədəd elektroşok, pnevmatik tapança üçün 131 ədəd patron və 4 ədəd tapança hissəsi aşkar olunub.

Faktla bağlı araşdırma aparılır.

635x100

Şərhlər

Hər hansısa bir şərh yazılmayıb.

Son yazılar