Gürcüstanda prezident seçkilərinin II turu üzrə xarici ölkələrdə səsvermə müddəti uzadılıb

Gürcüstanda noyabrın 28-də keçiriləcək prezident seçkilərinin II turu üzrə xarici ölkələrdə səsvermə prosesinin müddəti uzadılıb.

“Report”un Gürcüstan bürosu xəbər verir ki, bu barədə qərar ölkənin Mərkəzi Seçki Komissiyasının iclasında qəbul olunub.

Qərara əsasən, xarici ölkələrdə yaradılacaq seçki məntəqələri saat 20:00-dək deyil, 00:00-a qədər fəaliyyət göstərəcək. Səsvermə müddətinin 4 saat uzadılmasına səbəb seçkilərin II turunun iş gününə təyin olunmasıdır.

Əfqanıstanda hərbi xidmətdə olan Gürcüstan hərbçiləri isə noyabrın 26-da səsvermədə iştirak edəcəklər.

İkinci turla əlaqədar xarici ölkələrdə 57 seçki məntəqəsi yaradılacaq.

Qonşu ölkədə prezident seçkilərinin I turu oktyabrın 28-də baş tutub. Seçkilərin II turunda mübarizə Gürcüstanın hakim partiyasının dəstəklədiyi müstəqil namizəd Salome Zurabişvili və Vahid Milli Hərəkat Partiyasının namizədi Qriqol Vaşadze arasında aparılacaq.

Bundan əvvəl Gürcüstanda prezident seçkilərinin ikinci turunun tarixi elan olunub.

635x100

Şərhlər

Hər hansısa bir şərh yazılmayıb.

Son yazılar