“Səudiyyə şahzadəsi Qaşıqçının öldürülməsi barədə bəlkə də bilirdi” – TRAMP

Dərc olunub: 21/11/2018 - 08:21

donald-trampABŞ prezidenti Donald Tramp güman edir ki, Səudiyyə Ərəbistanı şahzadəsi Məhəmməd bin Salman krallığın İstanbuldakı konsulluğunda jurnalist Camal Qaşıqçının qətlə yetirilməsini bilib.

Bu barədə “Report” RİA “Novosti”yə istinadən xəbər verir.

“Bizim kəşfiyyat orqanımız bütün məlumatları qiymətləndirməkdə davam etdirəcək, lakin tamamilə mümkündür ki, vəliəhd şahzadə bu faciəli hadisəni bilib. Bəlkə bilirdi, bəlkə də yox”, – Trampın açıqlamasında deyilir.

“Camal Qaşıqçıya qarşı cinayət dəhşətlidir və ölkəmiz bunu bəyənmir”, – deyə Tramp əlavə edib.

Ağ Ev rəhbəri xatırladıb ki, ABŞ Səudiyyə Ərəbistanının qətli törətməkdə şübhəli bilinən 17 vətəndaşına qarşı sanksiyalar tətbiq edib. Səudiyyə Ərəbistanının kralı Salman və vəliəhd qətldən məlumatlı olduqlarını inkar ediblər.








loading...


Fikrinizi bildirin