Milli Nüvə Tədqiqatları Mərkəzinin yığılmış zərəri 5 mln. manata yaxınlaşıb

Nəqliyyat, Rabitə və Yüksək Texnologiyalar Nazirliyinə məxsus “Milli Nüvə Tədqiqatları Mərkəzi” QSC-nin cəmi aktivləri bu il yanvarın 1-nə 6,732 mln. manat təşkil edib.

“Report” Mərkəzin hesabatına istinadən xəbər verir ki, bu, ötən il yanvarın 1-i ilə müqayisədə 6,4% azdır.

2017-ci ildə “Milli Nüvə Tədqiqatları Mərkəzi”nin uzunmüddətli aktivləri də 6,4% azalaraq 6,645 mln. manat, cari aktivləri isə təxminən 10% azalaraq 97 min manat olub.

Hesabat dövründə Mərkəzin cəmi öhdəlikləri 50% artaraq 36 min manata çatıb, cəmi kapitalı isə 6,6% azalaraq 6,695 mln. manata düşüb.

2017-ci ildə “Milli Nüvə Tədqiqatları Mərkəzi”nin gəlirləri 67 min manat (2016-cı ilə nisbətən 7,4 dəfə çox), xidmətlərinin maya dəyəri 163 min manat (56,7% çox), ümumi və inzibati xərcləri isə 1,573 mln. manat (1,4% az) təşkil edib. Son nəticədə ötən il qurumun zərəri 1,669 mln. manat olub. Bu isə əvvəlki illə müqayisədə 1,2% azdır. Bununla belə, Mərkəzin yığılmış zərəri 4,775 mln. manata çatıb.

Xatırladaq ki, “Milli Nüvə Tədqiqatları Mərkəzi” QSC 2014-cü ildə yaradılıb. Onun nizamnamə kapitalı 3 mln. manatdır.

635x100

Şərhlər

Hər hansısa bir şərh yazılmayıb.

Son yazılar