Bakıda sürücü özünə və polis əməkdaşına yanıq xəsarəti yetirib - RƏSMİ
Bu gün saat 16:40 radələrində paytaxtın Nəsimi rayonunun Azadlıq prospekti ilə Həsən Əliyev küçəsinin kəsişməsində nasaz vəziyyətdə, yol hərəkətində istismarı mümkün olmayan "QAZ-31" markalı, "10-NR-899" dövlət nömrə nişanlı avtomobil yük daşıma qaydasını pozduğu üçün, üstündə 12 metr uzunluğa malik tikinti materialı – armatur daşıdığı üçün yol polisi əməkdaşları tərəfindən saxlanılıb.
Bakı şəhər Baş Polis İdarəsinin Dövlət Yol Polisi İdarəsinin bölmə rəisi, polis polkovniki Vaqif Əsədov "Report"a açıqlamasında məlumatı təsdiqləyib.
O, bildirib ki, avtomobil daşıdığı yüklə yol boyu digər hərəkət iştirakçılarına maneə yaradıb: "Sürücü saxlanılarkən yol polisləri tərəfindən ona müvafiq sənədin təqdim edilməsi, eyni zamanda spirtli içkinin dərəcəsinin yoxlanılması üçün tibbi müayinədən keçirilməsi təklif edilib. Lakin sürücü sənəd təqdim etməyib və spirtli içkinin dərəcəsinin yoxlanılması üçün tibbi müayinədən keçirilməsindən imtina etməklə, avtomobilin baqajında plastmas qabdakı yanacağın benzin olduğunu bildirərək, kirbit çıxarmaqla özünü yandıracağını deyib. O, özünü yandıranda polis əməkdaşları bunun qarşısını alıblar. Sürücünün əynində yanan paltarlar çıxarılıb və Respublika Yanıq Mərkəzinə çatdırılıb. Mərkəzdən bildirilib ki, onun boynunda və sağ əlinin dərisinin yanığı qeydə alınıb. Hadisə zamanı yol polisi əməkdaşı da yanıq xəsarəti alıb.
Şərhlər
Bu formada qanun pozan minik və yük avtomobilləri demək olar ki, çoxdur, həmçinin onlar real təhlükə yaradırlar digərlərinə.Onlar bir növ özlərini toxunulmaz hesab edirlər ki, biz imkansızlığdan bunu edirik, qaçqınıq, əlilik. Əfsuslar ki, çox hallarda da YPX əməkdaşları belələrinə qarşı tədbir görmür. Qaydanı pozmuş sözü gedən sürücü və digərləri əsasız olaraq belə qanunsuz hərəkətlərlə ( özümü yandıracam, intihar edəcəm.) qanun təmsilçilərini təhdid edənlər ciddi cəzalandırılmalıdırlar ciddi şəkildə.
Yandirmaq da dəb düşüb. Belələrinə kömək etmək lazim deyil qoy kül olsun. Hamı dəymə duşər olub özünü yandirir. Cəhənnmə yandirsin. Polis düz edib saxlayıb. Belə yük daşıyarlar sonra gedib birini əzəcək deyəcək görmədim bilmədim