Türkiyə ABŞ-dan 120 ədəd F-35 alacaq - Bəzi söz-söhbətlərə rəğmən...
«AzPolitika.info»-nun Türkiyə KİV-nə istinadla verdiyi xəbərə görə, qardaş ölkənin Prezidenti Rəcəb Tayyib Ərdoğan bəyan edib ki, Amerika Birləşmiş Ştatları (ABŞ) kontraktın pozulması təhlükəsinə baxmayaraq Türkiyəyə 120 ədəd beşinci nəsil F-35 qırıcılarının tədarükünü həyata keçirəcək.
İstanbulda mitinqdə çıxış edərkən, Prezident xatırladıb ki, təyyarələr üçün komplekt-ehtiyat hissələri Türkiyə ərazisində istehsal olunacaq.
«Biz, ABŞ-ın istehsal etdiyi 120 ədəd F-35 təyyarələrini alacağıq. Bu təyyarələr üçün komlekt-ehtiyat hissələrin bir qismi Türkiyədə istehsal ediləcək» - deyə, NTV telekanalı Ərdoğandan sitat gətirir.
Qırıcıların Türkiyəyə tədarük olunması barədə kontrakt ABŞ çətiri altında F-35 təyyarələrinin çoxmillətli işlənib hazırlanması proqramı çərçivəsində bağlanıb.
Bir müddət əvvəl Vaşinqton Ankaranın Rusiyadan S-400 zenit-raket kompleksi (ZRK) almaq qərarına görə, hədələrinə baxmayaraq, artıq təyyarələrin ikisini Türkiyəyə verib, daha ikisini isə gələn ilin martında verəcəyini vəd edir.
Şərhlər
Hər hansısa bir şərh yazılmayıb.