“VERDİYİ SÖZƏ YENƏ ƏMƏL ETMƏDİ...” – Cavid Qurbanovun 3 ildir havadan asılı qalan vədi

"Cavid Qurbanov yenə verdiyi sözə əməl etmədi: Bakı-Gəncə sürət qatarının xəttə buraxılması 2019-cu ilə qaldı... Yadınızdadır yəqin, bu ilin yazında bildirilmişdi ki, sentyabrda hazır olacaq, sonra isə qeyd olunmuşdu - dekabr 2018..."

"AzPolitika.info"nun məlumatına görə, bunları Neft Araşdırmaları Mərkəzinin rəhbəri İlham Şaban öz "facebook" səhifəsində yazıb.

Xatırladaq ki, həqiqətən də Azərbaycan Dəmir Yolları QSC-nin rəhbəri bir neçə dəfə Bakı-Gəncə sürət qatarının xəttə buraxılacağına dair konkret vaxt göstərsə də, sonradan bu vədlər həyata keçməyib. Məsələn, hörmətli Cavid müəllim hələ 2016-cı ildə 2017-ci ilin sonunadək Bakı-Gəncə sürət qatarının xəttə buraxılacağını bildirmişdi. O, jurnalistlərə

C.Qurbanov 2017-ci ilin əvvəlində də bu vədini təkrarlamış, ilin sonuna qədər Bakı-Gəncə sürət qatarının istifadəyə veriləcəyini bildirmişdi. Ancaq 2017-ci ilin ortasında vədini yerinə yetirə bilməyəcəyini görərək, Bakı-Gəncə sürət qatarının 2018-ci ildə xəttə buraxılacağını elan etmişdi. Ancaq bu dəfə gedişhaqqı qiymətini bir qədər artıraraq. "Növbəti il Bakıdan Gəncəyə sürət qatarının fəaliyyətə başlaması nəzərdə tutulub. Qatarın paytaxtdan Gəncəyə təxminən 4 saata çatacağı hesablanıb. Bu istiqamətdə gediş haqqının 10-14 dollar və ya təqribən 20 manat olması nəzərdə tutulub. Həmçinin, bu istiqamətdə hərəkət edəcək qatarlar sərnişinlərin bütün zəruri ehtiyacları və rahatlığı üçün lazımi şəraitlə təmin olunacaq", - C.Qurbanov vəd etmişdi.

Oxşar fikirləri 2018-ci ilboyu da təkrarlayıb. Sitat: “Bu marşrut üçün nəzərdə tutulmuş ikimərtəbəli qatarlar artıq Bakıdadır. Həmin qatarlarda sərnişinlərə həm adi, həm də xüsusi xidmət göstərilməsi üçün vaqonlar var. Hər vaqonun özünün ayrıca sanuzeli, xüsusi soyuducusu var. İçindəki su sərnişinlər üçün nəzərdə tutulur. Vaqonların başında kiçik mətbəxlər yerləşdiriləcək. Mətbəxlərdə yüngül yeməklərin verilməsini təmin edəcəyik. Vaqonlarda “Wi-Fi” quraşdırılacaq. Bu ilin sonuna qədər işə düşməsi gözlənilən Bakı-Gəncə sürət qatarı həm adi, həm də VIP otaqlara malik vaqonlardan ibarət olacaq".

Beləliklə, 2018-ci il də arxada qaldı. Amma Bakı-Gəncə sürət qatarından hələ ki, bir xəbər yoxdur.

Ümid 2019-a qalır...

Rasim

AzPolitika.info

635x100

Şərhlər

G M 2018-12-19 09:08:05

cavidi yaxından tanıyanlar ,onun dediklərinə heç bir vaxt inanmazlar.o ciddi adam deyil, aşıq fason biridir.

kamil 2018-12-19 09:08:05

ölmə eşşəyim,yaz gələr -yonca bitər!

inşaatçı 2018-12-19 09:08:05

Yuxarılarla qohum olan vəzifəlilərin əməllərimüzakirə olunmur.Onlara icazə verilib ki, istədiklərini,onlara srf edəni etsinlər.Hesabatlılıqdan azaddırlar.Görmürsən.onun əməllərini Ziya Məmmədova yazırlar.Tikdiyi yolların haməsı texnologiyadan uzaq olduğundan artıq davamlı təmir olunur

ıbrahımoğlu 2018-12-19 09:08:05

Sukanı bele mohkem saxla cenab Qurbanov Sıze uğurlar olsun

İqtisatcı 2018-12-19 09:08:05

Narahat olmayın dekabrın 30 inşAllah Sürət qatarı Bakı Gəncə istiqamətində istifadəyə verilir gündəmə gəlmək ücün ilham şaban bilmir nə yazsın qınamıram e ilhamı son zamanlar dırnaq arası iqdisadcılar coxalıb

Son yazılar