DEPUTATDAN NAXÇIVANLA BAĞLI ŞOK AÇIQLAMA VƏ TƏKLİFLƏR – “Bəzi vəzifəli şəxslər başa düşməlidirlər ki…”

“Naxçıvan MR-in iqtisadiyyatının inkişaf etdirilməsi Qarabağın işğaldan azad olunması qədər vacibdir”

“Muxtar Respublika iqtisadiyyatının ödədiyi vergilər babat bir şirkətin ödədiyi vergilər qədərdir”

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevin “AzPolitika.info”ya müsahibəsini təqdim edirik:

- Qüdrət bəy, 2018-ci il sizcə nələrlə yadda qaldı?

- 2018-ci il ölkədə sabitlik və Azərbaycan Xalq Cümhuriyyətinin 100 illik yubiley tədbirləri ilə yadda qaldı. Həm Respublika günü, həm Bakının azad olunması günü möhtəşəm hərbi parad keçirildi. Azərbaycan parlamentinin yüz illiyi yüzlərlə nüfuzlu xarici qonağın iştirakı ilə qeyd olundu. Bundan başqa ölkəmizdə çoxsaylı beynəlxalq tədbirlər, forumlar keçirildi ki, bunlardan da biri BAXCP-nin iştirakı ilə keçirilən Avropa Mühafizəkarlar və İslahatçılar Alyansının Bakı Sammiti oldu. Xəzərin hüquqi statusuna dair Konvensiyanın qəbul olunması da böyük uğur idi. İqtisadi sferada manatın kursunun sabit qalmasını qeyd edə bilərik.

Üzücü hadisələr kimi Mingəçevir elektrik stansiyasında baş vermiş qəzanı və Gəncədə törədilmiş terror aktını qeyd etmək olar.

- Bəs bir deputat, partiya sədri kimi 2019-cu ildən gözləntiləriniz nədir?

- Düşünürəm ki, Paşinyanın Ermənistanda hakimiyyətə gəlməsi ilə torpaqlarımızın işğaldan azad olunmasına imkanlar yaranmışdır. Ümid edirəm 2019-cu il Qarabağın işğaldan azad olunması istiqamətində ciddi qərarların qəbul olunduğu il olacaq.

Bütün daxili və xarici müqavimətə baxmayaraq, Prezidentin sosial-iqtisadi sahədə islahatları genişləndirəcəyini də gözləyirəm. Bəzi vəzifəli şəxslər başa düşməlidirlər ki, keçmişdəki xidmətlərinin qarşılığını milyon dəfələrlə artıqlaması ilə alıblar. İndi isə dövrün çağırışları, onların da mənafeyi tələb edir ki, idarəetmə təkmilləşdirilsin, islahatlar genişləndirilsin.

Ölkəmizin güclənməsini istəyən bütün qüvvələr islahatların alternativinin ağır və üzücü böhran olacağını anlayıb, islahatları genişləndirmək üçün Prezidentə dəstək olmalıdırlar. 1993-cü ildə Prezident Elçibəyin komandasında da yaranacaq böhrandan faydalanacaqlarını düşünən iddialı insanlar var idi. Elçibəy devrildikdən sonra onların aqibətinin necə olduğunu hamımız gördük. Tarix ondan nəticə çıxarmaq üçün öyrənilməlidir...

Gələn il Naxçıvanın sosial-iqtisadi inkişafına dair Xüsusi Dövlət Proqramının qəbul olunacağına da ümid edirəm. Naxçıvan MR-in iqtisadiyyatının inkişaf etdirilməsi Qarabağın erməni işğalından azad olunması qədər vacib, təxirəsalınmaz və strateji baxımdan əhəmiyyətli məsələdir. Mən büdcə müzakirələri zamanı hökumətin diqqətini növbəti dafə Naxçıvanın problemlərinə yönəltmək istəyirdim, amma müzakirələr dayandırıldığından imkan olmadı.

- Belə bir proqramın qəbul olunmasını zəruri edən nədir?

- Azərbaycan Respulikasının Prezidenti Nazirlər Kabinetinin 2017-ci ilin iyulunda keçirilən iclasında və ondan qabaqkı müşavirələrdə söyləmişdi ki, “Prezident Administrasiyası və İqtisadiyyat Nazirliyi mənə məlumat verməlidir ki, hansı rayonda nə qədər özəl sərmayə cəlb olunub. Bölgə rəhbərlərinin fəaliyyətinə həm də bu göstəricilərə görə qiymət veriləcək”. Cənab Prezidentin bu mövqeyinin nəticəsidir ki, ölkənin 34 şəhər və rayonu gələn ilin büdcəsindən nəinki dotasiya almayacaq, hətta Sumqayıt, Abşeron, İmişli, Mingəçevir, Şirvan, Yevlax, Qəbələ, Quba və s. bu kimi şəhər və rayonlar öz xərclərini qarşılamaqla yanaşı dövlət büdcəsinə 10 milyonlarla manat vəsait ödəyəcəklər. Yerdə qalan bütün digər bölgələrin hamısına isə birlikdə 104 milyon manat dotasiyanın ayrılması nəzərdə tutulur.

Naxçıvan blokada vəziyyətində olduğundan Cənab Prezidentin yuxarıda qeyd etdiyim fikirlərini, mənə görə Naxçıvana aid etmək doğru olmaz. Naxçıvan Muxtar Respublikasına 2019-cu ilin dövlət büdcəsindən 300 milyon 360 min manat dotasiya ayrılacaq. Naxçıvanın hər il artımla ayrılan dotasiya ilə yaşadığını mərkəzi mətbuatdan öyrənən yerli sakinlər buna görə ölkə Prezidentinə və hökumətə çox minnətdardılar. Məhz ayrılan dotasiya və ondan səmərəli istifadə hesabına regionda qaz və işıq problemi həll olunub, yollar çəkilib, məktəb, səhiyyə obyektləri, inzibati binalar tikilib, abadlıq işləri görülüb. Amma kasıblıq ucbatından qaz pulunu ödəyə bilməyən, kənd yerlərində yaşayan bir çox insanlar odunla evlərini qızdırır, odun sobalarda yemək hazırlayırlar. Naxçıvanda yaşayan əhalinin kasıb olmasını nəzərə alan hökumət təyyarə biletlərinin ucuz olması üçün AZAL-a əlavə olaraq büdcədən vəsait ödəyir. İnsanlar məşhur misalda deyildiyi kimi, “onlara balıq verməkdənsə balıq tutmağın öyrədilməsinin” daha səmərəli olduğunu söyləyirlər.

Gələn il Naxçıvan büdcəsinin yalnız 21.7%-i, yəni 83.3 milyon manatı yerli gəlirlər hesabına formalaşacaq. 455 mindən artıq insanın qeydiyyatda olduğu region üçün bu rəqəmin nə qədər kiçik olduğunu söyləməyə ehtiyac yoxdur. 341 min insanın yaşadığı Sumqayıtın gəlirləri 90 milyon manatdır. Muxtar Respublikanın 83.3 milyonluq yerli gəlirlərinə Naxçıvan MR Dövlət Gömrük Komitəsi tərəfindən toplanan vəsait də daxildir və bu vəsait də dövlət büdcəsindən daxil olan dotasiya kimi qəbul olunmalıdır. Dünyanın heç bir federativ və ya konfederativ dövlətində subyektlərin gömrük və miqrasiya xidməti yoxdur. Azərbaycan isə hətta unitar dövlətdir. Bu dövlət institutları müstəsna olaraq mərkəzi hakimiyyət tərəfindən formalaşdırılır və gömrük daxilolmaları yerli büdcəyə yox, dövlət büdcəsinə köçürülür. Keçmişdə Naxçıvanın iqtisadi durumunun daha ağır vəziyyətdə olmasını, blokada vəziyyətində yaşamasını nəzərə alaraq büdcə vəsaitləri hesabına əlavə iş yerlərinin açılması üçün Muxtar Respublikada DGK və DMX formalaşdırılmışdır. Amma bunun mənfi nəticələri ondan ibarət olmuşdur ki, bu gün Naxçıvandan Bakıya və əks istiqamətdə hərəkət edən, əşya və yük daşıyan insanlar gömrük yoxlamalarından keçmək və qanunsuz “rüsum” ödəmək zorunda qalmışlar, sanki başqa dövlətdən gələn əcnəbilər kimi. Hətta Avropa İttifaqının vətəndaşları belə bir üzv dövlətdən digərinə gedərkən gömrük yoxlamalarına məruz qalmırlar.

Ölkədə vahid gömrük tariflərinin olduğu halda haradasa gömrük nəzarəti yaxşı təşkil olunmayıbsa, qanunlar düzgün tətbiq olunmursa həmin problemlər həll olunmalıdır, daha vətəndaşlar bunun əziyyətini çəkməməlidir. Başqa bir təhlükəli vəziyyət isə ondan ibarətdir ki, gələcəkdə Dağlıq Qarabağa elan etdiyimiz geniş muxtariyyət statusu verəsi olsaq, onlara da özlərinin Dövlət Gömrük Komitəsini yaratmalarına razılıq vermək zorunda qalacağıq.

Muxtar Respulika DGK tərəfindən yığılan vəsait, o cümlədən Bakıdan verilən dotasiya və Prezidentin ehtiyat fondundan ayırdığı vəsaitlər hesabına maliyyələşdirilən investisiya layihələrindən daxil olan ƏDV, mənfəət vergisi və sosial müdafiə fonduna edilən ödənişlər 83.3 milyonluq yerli gəlirlərdən çıxılsa, Naxçıvan MR iqtisadiyyatının real durumunu göz önünə gətirmək olar. Bu zaman bəlli olacaq ki, Naxçıvan Muxtar Respublikası iqtisadiyyatının ödədiyi vergilər babat bir şirkətin ödədiyi vergilər qədərdir. Əlbəttə, kimsə düşünə bilər ki, yəqin vergidən yayınma halları var, yaxud toplanan vergi büdcəyə ödənilməyib mənimsənilir. Yox, belə deyil. Bu halda insanlar iş üçün Naxçıvanı tərk etməzdilər.

Naxçıvan MR-in duz, mineral sular və mərmər kimi təbii sərvətlərinin istifadəsindən gələn gəlirlər iqtisadiyyatın dirçəldilməsi üçün yetərli deyil. Naxçıvanda istehsal və emal müəssisələri yaradılmalı, sənaye inkişaf etdirilməlidir. Bu məqsədlə Naxçıvanın sosial-iqtisadi inkişafına dair Nazirlər Kabineti tərəfindən Xüsusi Dövlət Proqramının qəbul olunmasına ehtiyac var. Uzun müddətdir Naxçıvanda azad iqtisadi zona yaradılmasına dair aparılan müzakirələr yekunlaşdırılmalı, bütün korporativ maraqlar kənara qoyulmalı və bu barədə hökumət tərəfindən təcili qərar qəbul olunmalıdır. Belə olarsa həm Naxçıvandan, həm ölkənin digər regionlarından olan iş adamları, həm xaricilər ora investisiya qoyar, yeni iş yerləri açılar. Yaşamaq üçün iş yeri uğrunda mübarizə mənəvi dəyərləri deqradasiyaya uğratmaz, əhali kütləvi şəkildə Naxçıvanı tərk etməz.

Azad iqtisadi zonanın yaradılması sərhədyanı ticarətin inkişafına da öz müsbət təsirini göstərəcəkdir. Naxçıvanla sərhəd açılana qədər qardaş Türkiyənin İqdır şəhərində nəqliyyat vasitəsi kimi at arabasından istifadə olunurdu, amma indi Naxçıvanla sərhədyanı ticarətin nəticəsi kimi İqdır Türkiyənin ən inkişaf etmiş şəhərlərindən birinə çevrilmişdir. Eynilə, sanksiyalar altında yaşayan İranın Culfa şəhərində azad iqtisadi zona yaradılandan sonra sərhədin bu tayından müşahidə etdiyimiz hündürmərtəbəli binalardan ibarət yeni bir şəhər salınmışdır.

Naxçıvan MR-də iqtisadiyyatın inkişafı üçün iqtisadi azadlıqlar genişləndirilməli, sahibkarların aşağı faizli kreditlərə çıxışı təmin edilməlidır. Bu məqsədlə nüfuzlu xarici bankların Naxçıvanda filiallarının açılmasına nail olunmalı, Neft Fondunun vəsaitlərinin bir hissəsi Naxçıvandakı banklarda yerləşdirilməlidir.

Yalnız doğulduğum Əbrəqunus kəndindəki vəziyyəti təsvir etməklə nə qədər iş yerlərinin bağlandığını və nə üçün insanların Naxçıvanı tərk etdiyini diqqətinizə çatdıra bilərəm. İlk öncə qeyd edim ki, mərhum Prezident Heydər Əliyev ilk dəfə 1967-ci ildə bizim kənddən, Əbrəqunus seçki dairəsindən Azərbaycan SSR-in Ali Sovetinə deputat seçilmişdir və deputat vəsiqəsi Milli Məclisin muzeyində saxlanılmaqdadır. Əbrəqunus 1948-ci ilə qədər rayon mərkəzi olmuş, sonra isə Culfa ilə birləşdirilmişdir. Sovet hakimiyyətinin son illərinə qədər kənddə iki (internat və kənd orta məktəbi) məktəb, texniki peşə məktəbi, xəstəxana, ictimai iaşə obyektləri (yeməkxana, çayxanalar), klub, kitabxana, aptek, təqaüdçülər üçün ev, rabitə qovşağı, əmanət bankının filialı, poçt, sovxozun inzibati binası, kənd sovetinin inzibati binası, çörək zavodu, tədarük məntəqəsi, ən əsası, iki şərab zavodu mövcud idi. Hazırda məktələr birləşdirilib bir yeni məktəb, bələdiyyə və kənd icra nümayəndəliyi üçün inzibati bina, tibb məntəqəsi tikilib. Bundan başqa kəndimizdən olan xeyirxah insanların ianəsi hesabına mərasim evi və məscid də tikilmişdir. Yuxarıda sadaladığım idarə və müəssisələr bağlanıb, binaları isə kəndin mərkəzində xarabalığa çevrilib. Təəsssüf ki, heç kim uzun illərdir həmin yerləri alıb nəsə qurub-yaratmaq istəmir. Vaxtilə həmin müəssisə və idarələrdə yüzlərlə insan çalışırdı. Şərab zavodlarında işləyənlərlə yanaşa çoxlu sayda insanlar sovxozun üzüm bağlarında çalışırdı, həm də həyətyanı təsərrüfatlardan topladıqları üzümü şərab zavodlarına təhvil verib pul qazanırdılar. İndi zavodlar və üzüm bağları məhv edildiyindən və yeni iş yerləri açılmadığından o insanların çoxu, o cümlədən hərbi xidməti başa vuran gənclər iş tapmaq üçün İstanbula, Bakıya, Rusiyaya köçmüş və bu köç davam etməkdədir. Kənddə qalan ağsaqqallar isə oturmağa yer tapmadığından yayda kəndin mərkəzindən keçən soyuq qaz kəmərinin üstündə oturub, qışda isə ayaq üstündə dayanıb bir-biri ilə hal-əhval tutmaq zorunda qalmışlar. Oxşar vəziyyət yaşayış məntəqələrinin mütləq əksəriyyəti üçün səciyyəvidir. Hazırda İstanbulda, Bakıda naxçıvanlıların ayrıca qəbristanlıqları yaranmışdır. Naxçıvan qadınları İstanbulda yerli sakinlərin işləmədiyi kimyəsal fabriklərdə çalışmaqdadırlar. Uşaqları isə təhsil almaq imkanlarından məhrum olmuşlar. Bu problem deputat həmkarım Fazil Mustafa tərəfindən dəfələrlə Milli Məclisdə qaldırılmışdır. Naxçıvanlıların İstanbuldakı ağır həyatı barədə sosial şəbəkələrdə kifayət qədər ürək ağrıdan videoçarxlar mövcuddur. Bakıya köç etmiş naxçıvanlıların çoxu isə Bakiətrafı kəndlərdəki qeydiyyatsız gecəqondularda yaşayır.

Hökumət tərəfindən Naxçıvanda real vəziyyətin öyrənilməsi üçün mütəxəssislərdən ibarət işçi qrup yaradılsa daha üzücü mənzərə ilə üz-üzə qalarıq...

Hörmətli Baş nazirin də Naxçıvanda doğulub boya-başa çatdığını nəzərə alıb, ümid edirəm ki, O, Naxçıvandan köçün qarşısının alınması, insanların həyat şəraitinin yaxşılaşdırılması, Naxçıvan sakinlərinin öz yurdlarına Böyük Qayıdışını təmin etmək üçün min illər boyu Azərbaycan türklərinin yaşadığı qədim Naxçıvanın sosial-iqtisadi inkişafına dair Xüsusi Dövlət Proqramının qəbul olunması, Naxçıvan MR-in Azad İqtisadi Zona elan olunması məsələləri ilə yanaşı Əbrəqunusun rayon statusunun bərpa olunması məsələsini də Nazirlər Kabinetində müzakirə edərək ölkə Prezidentinə zəruri məlumatları təqdim etməklə müvafiq qərarların qəbul olunması üçün səylərini əsirgəməyəcəkdir.

Sonda xalqımızı Dünya Azərbaycanlılarının Həmrəylik Günü və Yeni il münasibətilə təbrik edir, hər bir vətəndaşımıza xoşbəxtlik və xoş güzəran arzu edirəm. Allah xalqımızı qorusun!

Rasim ƏLİYEV

635x100

Şərhlər

Şərurlu 2018-12-29 10:10:56

Nə gədər ki, bizim icimizdə yaltaglar və GİRƏYƏNLƏR, saxtakarlar var bizim bu yazig ölkəmiz duzəlməyəcək

Azər 2018-12-29 10:10:56

Gündəmə gəlmək üçün deyilmiş yalan sözlər, atılmış böhtanlar...

İlkin Bagırov 2018-12-29 10:10:56

Sənin kimilər ölkəmizində Naxçıvanımızında inkişafının qabağında dayanan bir daş parçalarısız

Adil Əlizadə 2018-12-29 10:10:56

Bugün ölkəmizin bütün saghələrdə ən inkişaf etmiş bölgəsi haqqında belə absurd fikirlər bildirməklə kimə və nəyə xidmət etməyə çalışırsan a Qüdrət?

Vəli Baxşıyev 2018-12-29 10:10:56

Qüdrət Bakıda oturub rəy bildirmək asandı, arada deputatı olduöun Ordubadada gəl

Fərid 2018-12-29 10:10:56

Qüdrət Həsənquliyev sən naxçıvanı kənardan absurd şəkildə qiymətləndirmək əvəzi təklif edirəm gəl MR-da inkişafı , əhalinin rifahını öz gözlərinlər gör. Naxçıvanda yaşayan və çalışan biri olaraq deyirəm mən burdan çox razıyam. Absurt fikirlərini özünə saxla...

MM 2018-12-29 10:10:56

Bu cür absurd ve heqiqete uyğun olmayan fikirlerle gündəmə gəlməyə çalışan insanlardan biri daha meydana çıxıb. Naxçıvanin inkişafınə görmemek cahillikdir

Ordubadli 2018-12-29 10:10:56

Son illər Naxçıvanda yeni məktəblərin, xəstəxanaların tikildiyi, yolların çəkildiyi istehsal sahələrinin yaradıldığı, blokada şəraitinin yaratdığı çətinliklərə baxmayaraq necə inkişaf etdiyi, yenilənmə proseslərinin hər kəsin gözu qabağında olduğu halda, bu qədim torpaqda doğulan bəzi "korların" bunu görməməsi eşitməməsi sadəcə təəssüf doğuru. Biz ordubadlilar bizim dairədən deputat Seçilən Qudrət bəyin Naxçıvan haqqındaki bu qarayaxma fikirlərini, sözlərini heç cürə anlaya bilmirik. Deputat kimi heç olmasa bir dəfə Ordubada gəlib əhali ilə görüşsə Naxçıvan barədə həqiqətləri yaxş öyrənər bə belə lüzumsuz, həqiqətdan uzaq fikirlər səsləndirməz.

Oğuzay 2018-12-29 10:10:56

"Yaşamaq üçün iş yeri uğrunda mübarizə mənəvi dəyərləri deqradasiyaya uğratmaz, əhali kütləvi şəkildə Naxçıvanı tərk etməz". Fəaliyyəti dövründə Naxçıvana 2 ağac əkməyən, vaxtını boş-boş müsahibələr verməklə keçirən deputatın sözünə bax. Ay qardaş, burda hanı indi kütləvi köç? Kütləvi köçü sənin AXCn hakimiyyətdə olanda görmüşük. Camaatı acından qırırdız. Hamınız kreslo xəstəsi olmuşdunuz....

Kərim 2018-12-29 10:10:56

Axı iş yeri açmaq olmur.yoxlamalar bezdirir.Talıbov mehsulun terkibine qarışır.öz hereketini duz bilib heç bir metbuat xidmetini bele buraxmır Naxçıvana.qoststandart Talibovun qocularidir.bir yerde ki insan azadlığı yoxdur orda heç bir inkişafdan söhbet gede bilmez

Vətən sevdalı 2018-12-29 10:10:56

Q.H.-in Elçibəylə əlaqəli xatırlaması çox ibrətli-dir.Ancaq kimdir nəticə çıxaran?

Natiq 2018-12-29 10:10:56

Culfanın deputatı olsanda sən bir dəfə də olsun Culfada görməmişik. Oturub Baki da...

Nax MR 2018-12-29 10:10:56

Bari naxcivan

Qasımovaya 2018-12-29 10:10:56

DE GÖRƏK NAXÇIVANIN DAŞI KİMİN BAŞINA DÜŞÜR? NAXÇIVAN BİZİM VƏTƏNİMİUZİN BİR HİSSƏSİDİR. ANCAQ ORA BERMUD ÜÇBUCAĞINA DÖNDƏRİLİB.

Qasımovaya 2018-12-29 10:10:56

DE GÖRƏK NAXÇIVANIN DAŞI KİMİN BAŞINA DÜŞÜR? NAXÇIVAN BİZİM VƏTƏNİMİUZİN BİR HİSSƏSİDİR. ANCAQ ORA BERMUD ÜÇBUCAĞINA DÖNDƏRİLİB.

Ylvi 2018-12-29 10:10:56

NAXÇIVANI POÇTİ AYIRIBLAR AZƏRBAYCANDAN. NAXÇIVANLILSAR DA KÖÇÜB BAKIYA ÇOXU DA TÜRKİYƏDƏ PODVALLARDA YAŞAYIR. NAXÇIVANDA DA KİMLƏR YAŞAYIR ALLAH BİLƏR. BELƏ ÖLKƏNİ PARÇALAYIB DAĞIDIRLAR.

İlkin 2018-12-29 10:10:56

Qüdrət Həsənquliyev, barmağını yum görək nə iş gördün indiyə kimi Naxçıvan üçün? 4-cü dəfədir NAxçıvandan deputat seçilirsən...

Asif Qurbanov 2018-12-29 10:10:56

Vəziyyəti,şəraiti başa düşənə vəzifə verən varr?..

Qüdrət Həsənquliyev-ə ardı 2018-12-29 10:10:56

İndi Qüdrət bəy deyin kimə inanaq rəsmi hökümət statistikasına, yoxsa Sizə? Deyə bilərsiniz bu yalan-palan analoqu olmayan inkişafla saatda 81 km gedən sürət qatarı ilə biz hara gedirik? Bizim evimizi yıxan bu yalanlar deyilmi? Necə ki sovet höküməti zamanı yalanlarla xalqın başın aldadırdılar ki o boyda hökümət dağıldı, indi bizdə vaziyyət daha pisdir.Kim yalandan höküməti tərifləyir ona medal, vəzifə və yeyib dağıtmaq üçün şərait yaradılır.Bax bu səbəbdən nə biz irəli gedə bilirik nə də Qarabağı ala bilirik. Yəqin ki Pzezdentimizə də belə yalan informasiyalar verilir.

Qüdrət Həsənquliyev-ə ardı 2018-12-29 10:10:56

Yazırsız ki “İndi zavodlar və üzüm bağları məhv edildiyindən və yeni iş yerləri açılmadığından o insanların çoxu, o cümlədən hərbi xidməti başa vuran gənclər iş tapmaq üçün İstanbula, Bakıya, Rusiyaya köçmüş və bu köç davam etməkdədir. Kənddə qalan ağsaqqallar isə oturmağa yer tapmadığından yayda kəndin mərkəzindən keçən soyuq qaz kəmərinin üstündə oturub, qışda isə ayaq üstündə dayanıb bir-biri ilə hal-əhval tutmaq zorunda qalmışlar. Oxşar vəziyyət yaşayış məntəqələrinin mütləq əksəriyyəti üçün səciyyəvidir. Hazırda İstanbulda, Bakıda naxçıvanlıların ayrıca qəbristanlıqları yaranmışdır. Naxçıvan qadınları İstanbulda yerli sakinlərin işləmədiyi kimyəsal fabriklərdə çalışmaqdadırlar. Uşaqları isə təhsil almaq imkanlarından məhrum olmuşlar”.

Qüdrət Həsənquliyev-ə 2018-12-29 10:10:56

Qüdrət m-m, bu camaatı niyə çaşdırırsınız.Statistikaya görə Naxçıvanda işsiz yoxdur, yəni işləyə bilən bütün əhali işləyirsə orada iqtisadiyyat niyə zəif olmalıdır və niyə dotasiya ayrılmalıdır.Niyə Naxçıvan əhalisi öz yurd-yuvasını tərk edib Türkiyəyə gedərək ən ağır işlərdə işləyərək çörək pulu qazanırlar? Yazırsız ki “Naxçıvanda azad iqtisadi zona yaradılarsa “Yaşamaq üçün iş yeri uğrunda mübarizə mənəvi dəyərləri deqradasiyaya uğratmaz, əhali kütləvi şəkildə Naxçıvanı tərk etməz. Naxçıvanlıların İstanbuldakı ağır həyatı barədə sosial şəbəkələrdə kifayət qədər ürək ağrıdan videoçarxlar mövcuddur. Bakıya köç etmiş naxçıvanlıların çoxu isə Bakiətrafı kəndlərdəki qeydiyyatsız gecəqondularda yaşayır”.

Pisi 2018-12-29 10:10:56

Allahsukure abel meherremovu ispaniyada vurmaq tapsirigi verenler.... vasif muellim ozu ulu onderimizin ayaqlarini bele yuyub onunla birlikde min bir eziyyet cekib tek otaqli evde qaliblar....

herbici 2018-12-29 10:10:56

Men Naxcivanda herbi xidmet kecmisem. Duzdu cetinlikler var idi. Amma harada yoxdur ki cetinlik. Buna baxmayaraq deputatimizla razi deyilem hec cure. Azerbaycanin diger bolgelerine baxanda yene Naxcivan yaxsidir. Her bir cehetden. ister emin amanligi, ister temizliyi, ister ehalisi. Asan deyil blokadada ola ola bunlara nail olmaq.

QASIMOVA 2018-12-29 10:10:56

NAXCIVANIN DASI YAMAN DUSUR BUNLARIN BASINA. QEBUL ETMESENIZDE NAXCIVAN OLKEMIZIN INKISAF EDEN GOZELLESEN SAKIT TEHLUKESIZ YERDIR. BUNU QUDRET DE COX YAXSI BILIR. SADECE DOGRUNU DEMEYE NIYE CEKINIR ONU BILMIRIK.

Adil 2018-12-29 10:10:56

Hörmətli Həsənquliyev, siz ne zaman geldiniz Naxçıvana? Ki bu sadaladığınız nöqsanları Naxçıvana şamil edirsiniz??? Siz sadəcə uzaqdan tamaşa edib, NAXÇIVANLILARIN min bir əziyyətlə qoruyub - saxladığı Naxçıvanı, milli - mədəni adət-ənənələri və digər bütün gözəllikləri ləkələməklə məşğulsunuz. Qəbul edin ki, sizin bu qeyri-real dəyərləndirmələriniz sadəcə sizin kimi insanlar tərəfindən bəyənilər!!!

ARİF 2018-12-29 10:10:56

NAXÇIVANI CANLANDIRMAQ LAZIMDIR.

Elşen 2018-12-29 10:10:56

Beli Naxçivan ehalisi işsizlikden eziyet çekir ve Gencler doğma el obalarini qoyub xarice üz tutmaq mecburiyetinde qalirlar.Teessüf.Ümid edirem ki ölke Rehberliyi buna bir tedbir görüb xalqi sevindirer inşallah.

EJDER 2018-12-29 10:10:56

MEN HESAB EDIREM KI,BUNLARDAN ADAM OLMAYIB,OLMAYAJAQDA,LUKAWENKO CANI.VSEX ...

Məhbub Əliyev 2018-12-29 10:10:56

Çox-çox təəssüf ediləsidir ki,yazılanların hamısı doğrudur, bir vaxtlar ANS telekanalı da göstərdi ki, qoca bir qadın əlində xoruzu kəsdirmək üçün kənddə adam axtarırdı, o vaxtdan heç nə dəyişməyib...

zerbali 2018-12-29 10:10:56

Ejder emi sen ne deyirsen bu ise

Fəxrəddin 2018-12-29 10:10:56

Təşəkkürlər, Qüdrət müəllim. Naxçıvan haqqında ən obyektiv və cəsarətli yazıdır. Təəssüf ki, çox haqlısınız

S.Ənvərqızı 2018-12-29 10:10:56

Azərbaycanımızın inkişafını istəyiriksə,birinci növbədə qohumbazdıqdan, dostbazdıqdan, yerlibazdıqdan əl kəçərək, dövlətimizi,xalqımızı qəlbən sevən dəyərli,savadlı,peşəkar kadrlar irəli kəçilməldir.Yoxsa peşəkar kadrları kənarlaşdıraraq, yerinə,səriştəsiz,pensiyaçını təyin edirlər? Səndə əlacsız qalaraq PA-na hqqını müdafiə etmək üçün müraciət edirsən,müraciətin baxılmaq üçün Rabitə Nazirliyinə göndərilir,həmin nazirlikdə vətəndaşın müraciətinə baxılmır? Hörmətli deputat müraciətimizə baxılmaq üçün hara müra

anti ABUya 2018-12-29 10:10:56

AZƏRBAYCANDA SAVADLI OÖLANLAR COXDUR elə oğlanlar və xanımlarımız var ki xarici ölkələrdə gedib iş qura bilirlər yüksək post tuta bilirlər və nədən sə azərbaycanda hec bu sən bəyənmədiyin deputat da ola bilmirlər.

vətən sevdalı 2018-12-29 10:10:56

Yolu rahat getmək üçün,onu kəsən yekə daşı kənara itələmək gərəkdir. Naxçıavanın yolundan bu ağır daşı kim kənar-laşdıra bilər? Ay hay?Bu qalıb qum göyərənə...

vızz 2018-12-29 10:10:56

Deyirsiniz ki: "Naxçıvanın sosial-iqtisadi inkişafına dair Xüsusi Dövlət Proqramının qəbul olunması lazımdır". Pək Əla! Bu dediklərinizin həyata keçirilməsi üçün 1-ci növbədə konstitusiya bərpa olunub seçki keçirilməlidir. .... dağına göndərmək lazımdır.

S.H. 2018-12-29 10:10:56

Turkiyede emeliyyat ucun getdiyim xestexana olan erazide gorduklerime mat qaldim. Sanki Azerbaycanda idim. Enenevi hardansiz sualimin cavabi ise bu idi. Naxcivandaniq! Beli meme deyenden , Pepe yeyene qeder hamisi oradadir. Nece deyerler, ikinci Naxcivan. Artiq orada yeni bir nesil de, orada doqulub, boyumus nesil de var! Budurmu bizim, Analoqsuz , yuksek inkisafimiz! Muxalifeti qamcilayinca, donub sismis qarinlarina, piylenmis baslarina baxsinlar! Guc hesabina Xalq mehv edilir, Allah Belalarin versin !!

Bashirov Qarib 2018-12-29 10:10:56

Iş yerleri açmaq uçun vaxtılə Gömruk komitəsi açıblar,indi də yeni iş yeri açmaq uçun kendi rayona çevirib,icra hakimiyyeti adlı iş yerləri açılsa,yaxşıdır.İcra hakimiyyetlerinin də vəzifəsi məlumdur.Ay bədbıxt xalqım.

antiAbu 2018-12-29 10:10:56

Mən həmişə heyslənirəm ki, bu cür savadlı bir insana iş vermək əvəzinə, Milli Məclisin iclas zalında təqaüdçü deputatların əhatəsində qocaldıb, məhv edirlər. Bu cür insanlara xalqına xidmət etmək üçün şərait yaradılmalıdır! Başdan xarabı, Baş nazairə müavin qoyurlar, ağlı başında olan, savadlı insana öz savad və bacarığını realizə etməyə imkan vermirlər. Çox eybəcər bir həyat yaşayırıq.

o.b.n 2018-12-29 10:10:56

Naxçıvan Muxtar Respublika statusu Sovetdən qalma modeldr,əhalinin etnik tərkibi 99-%i azərbaycanlıdir,onu sadəcə Vilayyət statusu ilə əvəz etməklə büccəyə qənayət etmək olar.Ordakı NK,DİN...əlavə yükdur.Vilayyət Başçısını Azərbaycan Prezdenti təyin etməklə ölkənin bütün regionunda vahid Konstitusiya işləyər.Və gələcəkdə Qarabağdakı statusda belə olar.Başçını ölkə Prezidenti təyin edər.

ARİF 2018-12-29 10:10:56

Bu yazı Qüdrət Həsənquliyevin mətbuatda dərc olunan yazılarının ən dəyərlisidir. Təbrik edirəm.

Şamil 2018-12-29 10:10:56

Mən hər bagıya gedəndə yol boyu "yüksək arxitektura" ilə inşa edilmiş hökumətimizin xəcalətini kimlərdənsə gizlətməyə hesablanmış hündür daş hasarları və onun arxasında qalan xarabalıqları düşünərkən hər gün həyasızlıqla min dəfələrlə gözümüzə soxduqları anoloqsuz inkişafımızı xatırlayıram.Bir ailədə 4 nəfər ali təhsillinin üçü illərdir iş tapa bilmir, şikayətlərə tüpürülür, açından ölmək həddinə, intihar həddinə çatdırılır.Biz hökumətimizi, vətənimizi necə sevək siz deyin????????

Son yazılar