Gürcüstan-Rusiya sərhəd-keçid məntəqəsinə gedən magistral bağlanıb
Baxiş sayı:
Dərc olunub:
06/01/2019 - 14:32
Gürcüstan ilə Rusiya arasındakı “Kazbek-Yuxarı Lars” sərhəd-keçid məntəqəsinə gedən avtomobil magistralı yanvarın 6-da səhər saatlarında bağlanıb. Buna səbəb qarın aramsız yağması və dağlıq ərazilərdə qar uçqunu təhlükəsinin yaranmasıdır.
Gürcüstanın Regional İnkişaf Nazirliyinin Avtomobil Yolları Departamentindən bildiriblər ki, güclü qar səbəbindən Mtsxeta-Stepantsminda–Lars avtomagistralının Qudauri-Kobi hissəsində də avtomobillərin hərəkətinə qadağa qoyulub.
Bundan başqa, magistralın Mleta-Qudauri hissəsində də avtomobillərin dayanmasına icazə verilmir.
Yollarda Dövlət Yol Polisinin post-patrul xidmətinin əməkdaşları gücləndirilmiş iş rejimində çalışırlar.
Yolun nə vaxt açılacağı hələlik məlum deyil. (AzərTAc)
Şərhlər
Hər hansısa bir şərh yazılmayıb.