Putinə sui-qəsd hazırlanıb? – “Onun hərəkətləri…” (Yenilənib)

Dərc olunub: 16/01/2019 - 18:11

putinDünya mətbuatında Serbiyada Rusiya prezidenti Vladimir Putinə qarşı sui-qəsd hazırlandığına dair yayılan məlumatlar təsdiqini tapmır. “AzPolitika.info” xəbər verir ki, bu barədə “Sputnik Serbiya” məlumat yayıb.

Ölkənin təhlükəsizlik orqanlarındakı mənbələrə istinad edilərək bildirilir ki, həbs olunan 21 yaşlı Armina Alibaşiçin Rusiya prezidentinə sui-qəsd etmək niyyəti olmayıb: “Onun hərəkətlərinin Putinin Serbiyaya gözlənilən səfəri ilə heç bir əlaqəsi yoxdur”.

Xatırladaq ki, bundan öncə Serbiyanın “Pravda” qəzetinin məlumatında polisin Armin Alibaşiçin bel çantasından şübhələnərək, onu saxladığı bildirilirdi. Çantada optik nişangahlı tüfəng aşkarlanıb. Onun yaşadığı evdə aparılan axtarış nəticəsində isə partlayıcı qurğu üçün komponentlər tapılıb.

***
Russian President Vladimir Putin talks to reporters after a session of the Supreme Eurasian Economic Council in MinskRusiya Prezidenti Vladimir Putinə Serbiyaya səfəri zamanı sui-qəsd hazırlamaqda şübhəli bilinən 21 yaşlı Armina Alibaşiç adlı bir nəfər tutulub. “Report” xəbər verir ki, məlumatı Serbiyanın “Pravda” qəzeti yayıb.

Bildirilib ki, polis patrul xidmətinin əməkdaşı Armin Alibaşiçi Novi-Pazar şəhəri yaxınlığında Potok qəsəbəsindəki küçədə saxlayıb. Asayiş keşikçiləri onun bel çantasından şübhələniblər. Çantada optik nişangahlı tüfəng aşkarlanıb. Onun yaşadığı evdə aparılan axtarış nəticəsində partlayıcı qurğu üçün komponentlər aşkarlanıb.

Qeyd edək ki, yanvarın 17-də Rusiya Prezidenti Serbiyaya səfər edəcək.












loading...


Fikrinizi bildirin