Ukrayna mətbuatında Azərbaycan səfirinin 20 Yanvar faciəsinə dair məqaləsi dərc edilib

Dərc olunub: 18/01/2019 - 22:32

d293a6f5-957d-4a93-958b-ca83fb589685Ukraynanın nüfuzlu Gordonua.com saytında Azərbaycanın bu ölkədəki səfiri Azər Xudiyevin 20 Yanvar faciəsinə dair məqaləsi dərc edilib.

“Report” xəbər verir ki, məqalədə Sovet ordusunun silahsız insanlara qarşı törətdiyi cinayətdən bəhs edilib.

“Qanlı “Qara Yanvar”! İndi bu tarixi çoxu bilir. Ancaq 1990-cı il yanvarın 19-dan 20-nə keçən gecə küçələrə çıxan Azərbaycan paytaxtının sakinləri Qorbaçov, Yazov, Bakatinin onlar üçün nə plan hazırladıqlarından xəbərsiz idilər. Lakin bir müddət keçəndən sonra Sovet ordusunun öz vətəndaşlarına qarşı necə amansız olduqlarını gördülər”, deyə səfir məqalədə qeyd edir.

20 Yanvar faciəsi göstərdi ki, SSRİ rəhbərliyi öz vətəndaşlarına, sovet respublikalarına qarşı ikili standart nümayiş etdirib. Qorbaçov komandası erməniləri himayə edirdi. Onların azərbaycanlılara qarşı terror hərəkətlərinə, Dağlıq Qarabağda dinc insanların öldürülməsinə göz yumurdu.

Müəllif vurğulayıb ki, 20 Yanvar faciəsinə siyasi və hüquqi qiyməti Azərbaycan Prezidenti Heydər Əliyev tərəfindən verilib. Dövlətimiz Azərbaycanın müstəqilliyi və bütövlüyü uğrunda canlarından keçənlərin müqəddəs xatirəsini əbədiləşdirib. Ölkəmizə gələn qonaqlar, rəsmi şəxslər ilk növbədə Şəhid Xiyabanını ziyarət edirlər.








loading...


Fikrinizi bildirin