Futbolda əl ilə təsadüfi oyuna görə cəza tətbiq edilə bilər

Dərc olunub: 19/01/2019 - 00:22

270021_res_01Beynəlxalq Futbol Assosiasiyaları Şurası (IFAB) martda təsadüfən əl ilə oynamağa görə cəzanın tətbiq olunması məsələsini müzakirə edəcək.

“The Times” xəbər verir ki, hazırkı qaydalara görə, hakimlər futbolçuların qəsdən əl ilə oynadıqlarını hesab etdikləri zamanı cərimə zərbəsi və penalti təyin etmək hüququna malikdirlər.

Digər hallarda qayda pozuntusu qeydə alınmır.

IFAB hücum zamanı təsadüfən əl ilə oyunu aradan qaldırmaq üçün qaydalara dəyişiklik etmək istəyir.

Qayda pozuntusu yalnız cərimə meydançasından kənarda qeydə alınacaq. Belə olan halda, penalti, əvvəlki kimi yalnız qəsdən əl ilə oynanıldığı zaman təyin olunacaq. (Report)








loading...


Fikrinizi bildirin