Azərbaycanlı iş adamı həyat yoldaşından İnterpola şikayət edib

Dərc olunub: 21/01/2019 - 12:44

5739c885-3fdf-4efe-9c0e-e7ab731c614bAzərbaycan əsilli rusiyalı milyarder Fərhad Əhmədov biznesmen və sabiq həyat yoldaşı Tatyana arasında mülkiyyətin bölünməsinə dair mübahisələrin həll edilməsi üçün İnterpola müraciət edib.

Bu barədə “Report” Britaniyanın “The Guardian” nəşrinə istinadən xəbər verir.

Qeyd edək ki, 2016-cı ildə London Ali Məhkəməsi F.Əhmədovu Britaniya vətəndaşı olan T.Əhmədovaya, təxminən, 600 milyon ABŞ dolları həcmində ödəniş aparmağa məcbur edən qərar verib. Rusiyalı iş adamı bu vaxt ərzində məhkəmənin qərarına etiraz etməyə çalışır və Tatyana ilə nikahlarının hələ 2000-ci ildə, yəni onun Britaniya vətəndaşlığı almasından əvvəl pozulduğunu iddia edir.

Məhkəmə, öz növbəsində, boşanma sənədlərinin saxta olduğuna qərar verib.

F.Əhmədovun vəkilləri İnterpolun Rusiya bölməsinə müraciət etmək qərarına gəliblər və orada onların nikahlarının Moskva məhkəməsinin qərarı ilə həqiqətən ləğv olunduğu təsdiq edilib.

Bundan əlavə, qurumdan bildiriblər ki, F.Əhmədovun aktivlərinin qanunsuz həbsinə dair bəyanatı üzrə araşdırma aparılır. İş adamı iddia edir ki, bu sabiq həyat yoldaşının törətdiyi fırıldaqçılıq nəticəsində baş verib.










loading...


Fikrinizi bildirin