MEHMAN HÜSEYNOV PREZİDENTƏ MÜRACİƏT ETDİ - "Məni bir şey maraqlandırır..."

Həbsdə olan bloqqer Mehman Hüseynov Azərbaycan Respublikasının Prezidenti İlham Əliyevə müraciət ünvanlayıb.

“Report”un xəbərinə görə, yanvarın 20-də imzalanmış müraciətdə deyilir:

“Hörmətli cənab Prezident,

Mən Mehman Hüseynov 2 ilə yaxındır cəza çəkirəm. Bu müddət ərzində cəzaçəkmə müəssəsinin əməkdaşları ilə aramda hər hansı xoşagəlməz hadisə olmayıb. Həmişə çalışmışam rejimə əməl edim. Lakin keçən il 26 dekabrda cəza çəkdiyim müəssisədə insident baş verdi və bu hadisəyə görə mən günahlandırılmışam. Hadisə barədə geniş yazıb vaxtınızı almaq istəməzdim. Sadəcə onu demək istəyirəm ki, baş vermiş hadisədə mənim günahım yoxdur. Mən həbsxana əməkdaşını vurmamışam.

2 mart tarixində mənim cəzamın vaxtı bitir. Mən bu tarixi çox gözləmişəm. Təzədən məhkum olunmaq, yeni cəza almaq istəmirəm. Mən əvvəllər də dediyim kimi kiminsə hərəkətinə görə məsuliyyət daşımıram. Amma kiminsə mənim vəziyyətimdən özü üçün istifadə etməsini də istəmirəm. Məni yalnız bir şey maraqlandırır. Azadlığa çıxmaq. Mənə yeni cəza verilsə bu tək qalmış 70 yaşlı atam üçün də böyük zərbə olacaq. Onun üçün məni bu vəziyyətdə görmək, tez-tez gəlib mənə baş çəkmək çox çətindir.

Sizdən xahiş edirəm araşdırmanın düzgün araşdırılmasına göstəriş verəsiniz. Sizin müdaxiləniz olsa əminəm ki, mənim işim üzrə qərar ədalətli olacaq”.

635x100

Şərhlər

seymur 2019-01-21 16:08:56

yazib yazmayib ferqi yoxdu esas Prezident haq sesini eshidti qerar verdi arada qezenler yorulmurda

Nara 2019-01-21 16:08:56

BEli Mehmani azad etmelidiler. Men xaricde yashayan ve siyasetle elaqesi olmayan adamam. Amma Mehmanin hebsi uzansa...

o.b.n 2019-01-21 16:08:56

Allah sənin kimi məhbusların qapısını açsın,ümüd edək ki,müraciyyətin müsbət həllini tapacaq.Oğrunun yerinə,doğrunun yatması ədalətsizlikdir.Sənin neçə il əvvəl çəkdiyin kadırlar indi işdən qovulan hə bir Nazirlərin,məmurların araşdırmasında təstiqini tapır.O zindanda sən yox,onlar yatmalı idi.

Sus 2019-01-21 16:08:56

Bu nə eybəcərlikdir?Bu yazını əgər Mehman yazıbdırsa, onda onu məcbur ediblər.Digər tərəfdən 100-lərlə insan bu cür şər-böhtanla türmələrdə yatızdırılır.Onların da hər birinə obyektiv yanaşmaq lazımdır. Məgər bunu dünya etməlidirmi? Sonradanda da belə peşmançılıq olsun.

miri 2019-01-21 16:08:56

Mehman və bütün siyasi məhbuslar azad yasamaqi bizdən çox haqq edir. Onlar təcili azad edilməlidir. Özüdə məcburi müraciətsiz, heykələ salamsiz, əhv adlanan komissiyasız!!!

çina 2019-01-21 16:08:56

Əyər bunu Mehman yazıbsa.....

Mahir Əliyev 2019-01-21 16:08:56

Azad edəcəklər.Amma bimirlər ki,nə bəhanə tapsınlar.

Azeri 2019-01-21 16:08:56

Salam hamiya,Bunu Mehman yazib???))))))))))))))))))inandig,buraxin.biri var idi,biri yox idi))))))

Sedaqet 2019-01-21 16:08:56

Mehman düz edib mütaciəti ilə cənab prezidentdən bu işə ədalətli baxılması xahiş edib... Sagolsun cenab prezident derhal bu məsələyə ciddi tapşırıqlar verib!!! Unutmayın cenab prezidentimizin Ramil Seferovu hansı eziyyetlerlə vətənə gətirməyini... ALLAH qorusun dövlət başçımızı!!!

Son yazılar