PREZİDENT MEHMAN HÜSEYNOVLA BAĞLI TAPŞIRIQ VERDİ - Fuad Ələsgərov açıqladı
Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi Fuad Ələsgərov hazırda cəza çəkən Mehman Hüseynovun Azərbaycan Respublikasının Prezidenti İlham Əliyevə müraciəti ilə bağlı açıqlama verib.
AZƏRTAC-ın verdiyi məlumata görə, Fuad Ələsgərov deyib ki, Mehman Hüseynov 2019-cu il yanvarın 20-də Azərbaycan Respublikasının Prezidentinə müraciət edib. Müraciətdə o, barəsində aparılan istintaqın obyektivliyinin təmin edilməsi və ədalətli qərar qəbul olunması üçün Azərbaycan Respublikası Prezidentinin müdaxilə etməsini xahiş edib.
Bundan öncə, 2019-cu il yanvarın 18-də Mehman Hüseynovun məsələsi ilə əlaqədar bir qrup hüquq müdafiəçisi də Azərbaycan Respublikasının Prezidentinə müraciət ünvanlamışdır. Hüquq müdafiəçiləri baş vermiş insidentlə əlaqədar süni şəkildə ajiotaj yaradıldığını, yalan məlumatların yayıldığını, yanlış ictimai rəy formalaşdırmağa cəhdlər edildiyini qeyd etmiş, Azərbaycan Respublikası Prezidentinin yüksək humanizm prinsipinə daim sadiqliyini xüsusi vurğulayaraq, Mehman Hüseynovun barəsində də mərhəmət göstərilməsini xahiş etmişlər.
Mehman Hüseynovla bağlı əvvəllər də humanist yanaşmanın şahidi olmuşuq. Belə ki, o, cəza çəkdiyi müddətdə ağır xəstəlikdən sonra vəfat etmiş anasının yas mərasimində iştirak etməyə buraxılmışdır.
Azərbaycan Respublikasının Prezidenti hər zaman bu cür müraciətlərə həssaslıqla yanaşır, öz fəaliyyətində daim ədalət və humanizm prinsiplərini rəhbər tutur və bütün dövlət məmurlarından da eyni yanaşmanı tələb edir. Həmin siyasətin təzahürü kimi onlarla amnistiya aktlarını, əfv haqqında sərəncamları göstərmək olar. Cəza siyasətinin humanistləşdirilməsi ilə bağlı cənab Prezidentin son təşəbbüsləri minlərlə məhkumun azadlığa çıxmasına zəmin yaratmışdır.
Şərhlər
Bu yazıanlardan belə nəticəyə kəlmək olar ki,Azərbaycan Avropa Şurasında gərək tənqid ediləydi,yanvarın 19-da mitinq olaydı,sonra Mehman haqında müsbət qərar verərdilər.
Cemsid m. ogluna Allahdan rehmet dileyirem.Deyerli Elooglumuzdur.Elbette manaf ve qeyri harinlasmishlari qanun qarsisisinda cavab vermalidirlar.Eger mufafiq qurumlar bunlari etmayacaksa Allahin qezebine ducar olacaqlar.Cemsid dostumuza ise sebr dileyirem
Maraqlıdı. Gənc bir fotoqrafı tutub, bunca beynəlxalq aləmdə səs küyə səbəb olmağa dəyırdimi. Bizim Baş Prokrorluq nə zamana kimi, ittiham aktlarını araşdırmadan, işə qoyulan dəlilləri süzgəcdən keçirmədən onlara imza atacaq. Oğlumun itgisində bu qurumu daha yaxından tanıdım. Baş prokrorluqda ittham aktına qol çəkən prokrorun üzünə nələr dedim, daşdan səs çıxdı, ondan çıxmadı. Çünki, ittiham aktında dəlildən başqa hər nağıl yazılmışdı. Bu nədəndir ki, iki il beş aydı məsələ ilə bağlı Baş Prokrora yüzlərlə müraciət etmişəm, bir dəfə olsun tərəfindən qəbul olunmamışam. Hadisəni törədənlər (Manaf Manafov və digərləri) isə Pirallahının başçısı Vasif İmanov tərəfindən çətir altı saxlanılırlar. Bir daha sual edirəm nədir sizi susduran. Qərbi demirəm, heç olmasa qardaş Türküyənin savçılarınadamı baxmadınız. Biz hüquqlarımızın keşiyini kimə həvalə edək. Onudamı cənab Prezidentə. Sadəcə utanc verici. Hər işlə Cənab Prezident məşqul olacaqdısa onda büdcəni sümürən bunca qurumlar nəyə lazım idi.. Qısacası, dəyərdimi ölkə başçısının gördüyü bunca işlərə kölgə düşürməyə.
Bəs bu qədər həngaməni törədən,cəmiyyətdə gərginlik yaradan,Aİ olkələrində nufuzumuzun açagı duşməsinə səbəb olan,bu hadisələrdə gunahkar olanlar cəzalanmayacaqlar? Bunun uçundəmi bir mitinq edilməlidir?