ƏLİ HƏSƏNOV "BMW"yə GÖRƏ HƏBS OLUNA BİLƏR - “Onun hərəkəti vəzifədən sui-istifadədir”
Qaçqınların və Məcburi Köçkünlərin İşləri üzrə Dövlət Komitəsinin sabiq sədri, hazırda baş nazirin müavini olan Əli Həsənovun “Qaçqınkom”a məxsus maşını özününküləşdirməsi geniş müzakirələrə səbəb olub. Qaçqınların və Məcburi Köçkünlərin İşləri üzrə Dövlət Komitəsi məsələ ilə bağlı açıqlama da yayıb. Açıqlamadan belə aydın olur ki, sabiq sədr Əli Həsənov vəzifədən gedərkən xidməti maşını da özü ilə aparıb. Buna görə də Rövşən Rzayev xidməti maşın almaq məcburiyyəti ilə üzləşib.
Müzakirələrdə Əli Həsənovun məsuliyyət məsələsi də əsas məqamlardan biri kimi keçir. Əli Həsənov bu hərəkətinə görə cəzalandırıla bilərmi?
Hüquqşünas Əkrəm Həsənov musavat.com-a deyib ki, Əli Həsənovun hərəkəti vəzifədən sui-istifadədir: “Cinayət Məcəlləsində 308-ci maddə var. Həmin maddə vəzifə səlahiyyətlərindən sui-istifadə adlanır. Yəni vəzifəli şəxsin xidməti vəzifələrinin icrası ilə əlaqədar özü və ya 3-cü şəxslər üçün qanunsuz üstünlük əldə etmə məqsədi ilə belə hərəkətlərə yol verilib. Məsələn, həmin maşından ailə üzvlərinin daşınması üçün istifadə edilməsi qulluq mənafeyinə qəsdən zidd hərəkətlərə yol vermədir. Və ya qulluq mənafeyi tələb etdiyi halda istifadə etməmə fiziki və hüquqi şəxslərin qanuni mənafelərinə, cəmiyyətin və dövlətin qanunla qorunan mənafelərinə mühüm zərər vurmaqla törədilərsə, 3 min manatdan 4 min manata kimi cərimələnə bilər. Və ya 3 il müddətinə müəyyən vəzifə tutma və ya müəyyən fəaliyyətlə məşğul olma hüququndan məhrum oluna bilər. 2 ilədək müddətə islah işləri ilə, 3 ilədək azadlıqdan məhrumetmə ilə cəzalandırıla bilər. Yəni belə aydın olur ki, Əli Həsənov vəzifədən getdiyi 5-6 ay ərzində maşından istifadə edib və onu məsuliyyət məsələsi də bu hala uyğun müəyyən edilməlidir. Əgər müəyyən olunsa ki, onun bu özbaşınalığı ağır nəticələrə səbəb olub, bu halda sabiq sədri hətta 7 ilədək cəza gözləyir”.
Hüquqşünas güman edir ki, Əli Həsənovun əməlində ağır nəticələr yoxdur: “İstənilən halda Əli Həsənov cavabdehlik daşıyır, dövlətin əmlakını öz məqsədləri üçün istifadə edib. 308-ci maddə Cinayət Məcəlləsinin 33-cü fəslindədir. Həmin fəslin adı korrupsiya cinayətləridir. Qulluq mənafeyi əleyhinə olan digər cinayətlərdir. Bu əməllərə görə digər maddələr üzrə də ittiham oluna bilər. 308.1 maddəsi ilə də ittiham verilə bilər. Həmin maddə dövlət büdcəsinin, məqsədli dövlət büdcə fondlarının və ya büdcədən kənar büdcə fondlarının vəsaitindən təyinatı üzrə istifadə etməmədir. Həmin maddə üzrə ittiham olunarsa, maksimum 3 ilədək azadlıqdan məhrum oluna bilər. 309-cu maddə ilə də ittiham oluna bilər. Vəzifə səlahiyyətlərini aşma cinayətinə görə məsuliyyət müəyyən edən maddə ilə ittiham olunsa, 3 ilədək azadlıqdan məhrum oluna bilər”.
Əkrəm Həsənov deyir ki, əksər dövlət məmurları xidməti avtomobildən öz məqsədləri, mənafeləri üçün istifadə edirlər: “Təsadüfi deyil ki, bu yaxınlarda dövlət başçısı xüsusi qərar verdi. Həmin qərara görə xidməti maşınların veriləcəyi vəzifə sahiblərinin siyahısı tərtib olunmalıdır. Hazırda elə məmurlar var ki, uşağına, həyat yoldaşına, qulluqçusuna belə ayrıca bir maşın işləyir. Həmin maşınların bir çoxu da dövlət büdcəsi hesabına alınıb, təmir olunur, gündəlik yanacaq xərcləri də həmin hesabdan qarşılanır. Əslində bu çox böyük korrupsiya cinayətidir və bunun qarşısı alınmalıdır. Kim istəyir ki, qulluqçusu maşında gəzsin, zəhmət çəkib maşını şəxsi hesabından alsın, maşının təmir, yanacaq və digər xərclərini cibindən versin. Korrupsiyaya Qarşı Mübarizə İdarəsi belə məmurları müəyyən edib onların dövlət büdcəsinə illərlə vurduqları ziyanı hesablamalı və ödətdirməli, özlərinin isə cəzaya çatdırılmasına nail olmalıdır. Əks təqdirdə, büdcənin çıxarları gəlirlərini belə qanunsuzluqlara görə hər il üstələyəcək”.
Yada salaq ki, prezidentin struktur dəyişiklikləri ilə bağlı son fərmanı ilə Nazirlər Kabinetinə 3 ay müddətində mərkəzi və yerli icra hakimiyyəti orqanlarında, dövlət adından yaradılan publik hüquqi şəxslərdə və səhmlərinin (paylarının) nəzarət zərfi dövlətə məxsus olan hüquqi şəxslərdə xidməti nəqliyyat vasitələri ilə təmin edilməli vəzifələrin siyahısını prezidentlə razılaşdırmaqla müəyyən etmək tapşırılır. Sənədə əsasən müəyyən olunacaq siyahıdan kənarda qalan vəzifələrdə işləyən şəxslərə xidmət edən xidməti nəqliyyat vasitələrinin mərkəzi və yerli icra hakimiyyəti orqanlarının, dövlət adından yaradılan publik hüquqi şəxslərin və səhmlərinin (paylarının) nəzarət zərfi dövlətə məxsus olan hüquqi şəxslərin balanslarından çıxarılaraq özəlləşdirilməsi üçün Əmlak Məsələləri Dövlət Komitəsinə təqdim ediləcək və nəticə barədə prezidentə məlumat veriləcək.
Maraqlıdır ki, qərarda Nazirlər Kabinetinin özünün olduğu xidməti avtomobillərə dair məlumat əksini tapmayıb. Bu baxımdan, baş nazirin müavini Əli Həsənova qurumdan xidməti avtomobil verilib-verilmədiyini müəyyənləşdirmək mümkün deyil.
Şərhlər
Nədəndirsə Əli Həsənov ölkədə bildiyini edir.Özü narkotiklər üzrə dövlət komissiyasına sədr oldu,oğlunu da bu sahə üzrə işə keçirdi.Bir adam demədi ki, belə olmaz. Bir BMW bunun qarşısında nədi ki?
AZərbaycan qanunlarının bunun nəvəsinə gücü çatmadığı halda buna nə edə bilərsiniz? Özünüzü yormayın
A qadan alım urus ayısı!! Ə bacanağ ölüb bəyəm Siz Narkotiklərlə mübarizə idarəsinin şefini (..) tutursunuz? Siz qurd ürəyi yemisiniz nədir???
KINO YADIMA DUWDU,KTO EQO POSYADET...ON JE POMYATNIK...NAIL BALA HEJADI,YEQIN DAQDA SURUWUR
Əli Həsənovun ətəyindən .... qoxusu gəlir.Ona toxunmağa cəsarət edən ola bilməz.....Hansı məmurun tərcümüyi-halına baxırsan erməniyə bağlılığı görünür..
Boş yerə özünüzü yormayın.Əli Həsənov xüsusilər qrupuna daxildir və ona heç nə edə bilməzsiniz.O Qaçqınkom işlədiyi müddətdə əldə etdiyi sərvətlər bəlli( yoxlama bunu müəyyən edib ), mal varlığı bəlli.qanunsuz özününkiləşdirmələr bəlli.Adama gözün üstə qaşın var deyən oldumu? Əksinə yenə baş nazirin müavinidir.Bu faktlar kifayətdir ki, özünüzü incitməyin.Bir BMV nədir ki!
Eli Hesenov hemiwe duwduyu situasiyalardan bacariqla cixib, ancaq hazirki fors-major vrziyetde yeqin ki, onun istenilen alibi-si qebuledilmez olacaq.
Bunlarin başına maşına görə bəlalar gəlsədə həyasızcasına maşına olan "sevgiləri" bitmir.Hər bir qanunsuzluga gedirlər.
Niyə bu məsələni yayındırırlar. Niyə əsas məsələ-Rövşən Rzayevin bahalı maşın almağı qalıb kənarda, düşüblər Əli Həsənov maşını özününküləşdirdi, özəlləşdirdi, evinə apardı filan. Yəni bu qədər boşluq var ki, dövlət əmlakın kim nə vaxt istəsə özünkü edə bilər, yaxud Əli Həsənov bu qədərmi ağlını itirib belə bir yola gedə. Bir ağıllı insan araşdırıb çıxıb demir ki, bu avtomobil Nazirlər Kabinetinə məxsus bir avtomobil idi və Əli Həsənovda da qalmalı idi. Mən özüm araşdırdım ki, Baş nazirin müavinlərinin hamısında eyni markalı BMV avtomobili var və seriyaları da ardıcıldı 201, 202, 203, 204, 205... Və eyni zamanda onu da öyrəndim ki, Elçin Əfəndiyevin postu boş qaldığından onun istifadəsində olmuş BMV 740 avtomobili yeni seriya nömrəsi ilə Rövşən Rzayevə göndəriblər. Amma Rövşən Rzayev o maşını heç bəyənməyib, uzun müddət Qaçqınkomun həyətində günün altında qalıb, sonradan ordan ya geri qaytarıb, ya da başqa istifadəyə yönəldib. Bir də ki, Rövşən Rzayevin ixtiyarında Köçkünlərin İnkişaf Fondu kimi çox yağlı bir təşkilat var ki, bahalı avtomobilləri, cipləri var və ondan da geninə boluna istifadə edirlər, nəyinə lazım idi o qədər bahalı maşın. Gedin onu araşdırın.