"SABİTLİK POZULANDA ÇOX BÖYÜK FACİƏLƏR BAŞ VERİR" - İlham Əliyev

"İctimai nəzarətin gücləndirilməsi çox önəmli məsələdir. Mən öz çıxışlarımda dəfələrlə demişəm ki, mütləq ictimai nəzarət olmalıdır. Çünki ictimai nəzarət olan yerdə işlər daha yaxşı gedir. Ona görə mən gəncləri bu məsələyə diqqət yetirməyə dəvət edirəm".

"Report" AZƏRTAC-a istinadən xəbər verir ki, bunu Azərbaycan Respublikasının Prezidenti İlham Əliyev fevralın 1-də Bakı Konqres Mərkəzində Azərbaycan Gəncləri Gününə həsr olunmuş respublika toplantısında çıxışı zamanı danışıb.

"Bu gün gənclərə ölkə qarşısında duran bəzi vəzifələr haqqında qısaca öz sözlərimi demək istəyirəm. Ölkəmizin sürətli və uğurlu inkişafı davam edir, ölkə qarşısında duran bütün vəzifələr icra olunur. Bu gün Azərbaycan dünyada çox sürətlə inkişaf edən ölkə kimi tanınır. Biz isə əldə edilmiş uğurlarla kifayətlənməməliyik, daim irəliyə baxmalıyıq və ilk növbədə, bu gün həll edə bilmədiyimiz məsələləri həll etməliyik, nöqsanları, problemləri aradan qaldırmalıyıq. Əlbəttə ki, gənclər bu sahədə bizim ən birinci yardımçılar ola bilərlər və olmalıdırlar. Ona görə ictimai nəzarətin gücləndirilməsi çox önəmli məsələdir. Mən öz çıxışlarımda dəfələrlə demişəm ki, mütləq ictimai nəzarət olmalıdır. Çünki ictimai nəzarət olan yerdə işlər daha yaxşı gedir. Ona görə mən gəncləri bu məsələyə diqqət yetirməyə dəvət edirəm", - deyə dövlət başçısı bildirib.

İlham Əliyev ölkədə daxili vəziyyətin sabit olduğunu qeyd edib:

"Daxili sabitlik hər bir ölkənin inkişafı üçün əsas şərtdir. Biz görürük ki, dünyanın müxtəlif yerlərində sabitlik pozulanda çox böyük faciələr baş verir, o ölkələrin başına çox böyük bəlalar gətirilir. Biz görürük ki, ölkələr dağılır, milyonlarla insan həlak olur, qaçqın, köçkün vəziyyətinə düşür. Ona görə daxili sabitliyin qorunması hər birimizin əsas vəzifəsidir və bu gün Azərbaycan dünya miqyasında ən sabit ölkələrdən biridir".

635x100

Şərhlər

antiAbu 2019-02-02 09:52:13

Ölkədə sabitliyin qorunması üçün: 1.müstəqil məhkəmələr olmalıdır; 2.şikayətlərə baxılmalıdır: 3.dəlilik kağızı qəzetdə çap olunanlar vəzifə tutmamalıdır 4.fəsil dəyişmələri ilə əlaqədar psixi durumu kəskinləşən təşkilat rəhbəri, dövlət qulluqçusunu polislərin köməyi ilə küçəyə atmamalıdır; 5.özünü keçirdiyi iclasda "iyrənc rüşvətxor" adlandırmış təşkilat rəhbəri hökmən cinayyət məsuliyyətinə cəlb edilməlidir və s.

Son yazılar