“İQTİDARA ƏN BÖYÜK XƏYANƏT İÇƏRİDƏN GƏLİR…” – Qüdrət Həsənquliyevdən onu təhqir edən nazirə sərt cavab

“Vasif Talıbov vaxtı ilə türk vətəndaşı tərəfindən ən ağır formada təhqir olunub ittihamlara məruz qalanda...”

Azərbaycan siyasətində mənəvi dəyərlərin sürətlə aşındığı, “əxlaqlı mübarizə” anlayışının, demək olar ki, aradan qalxdığı bir zamandan keçirik. Söyüş, təhqir, hətta fiziki hesablaşmalara çağırışlar günümüzün ən adi reallıqlarına çevrilib. Bəs, siyasətdə belə yaramaz bir mühitin formalaşması Azərbaycana nə vəd edir?

“AzPolitika.info”nun əməkdaşı Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevlə bu mövzuda qısa söhbət edib.

- Qüdrət bəy, Azərbaycanda siyasətin eybəcərləşdirilməsi və siyasətçilərin gözdən salınması, siyasi rəqiblərin düşmənə çevrilməsi istiqamətində fəal iş aparılır. Bu, Sizi qorxutmurmu?

- Biz güclü ümumdünya erməni lobbisi və onların xristian həmrəyliyindən çıxış edən tərəfdarları, o cümlədən daxildə hakimiyyətə susamış feodal təfəkkürlü insanların məkrli pozuculuq fəaliyyəti ilə üz-üzəyik. Onların bizə qarşı düşmənçilik siyasətini həyata keçirmələri üçün çoxlu pulları var. Satqınları və gerizəkalı şizofrenikləri isə bütün xalqların sırasından çox da çətinlik çəkmədən tapmaq olar. Hazırda baş verənlər həm də ölkəmizdə mənəvi terror yolu ilə ləyaqətli insanları qorxutmaq, Prezidenti müdafiəsiz qoymaq cəhdidir… Söyüş söyənlər bilirlər ki, dediklərinin on qat artığı onlara qaytarılır, amma ləyaqətlərini satdıqlarından başqa yolları yaxdur. Tapşırıqları icra etməlidirlər. Onların əsas məqsədi mənəvi-siyasi böhran yaratmaqla, torpaqlarımızın işğal altında qalmasını təmin etmək, Prezidenti islahatları dərinləşdirməkdən, kadr islahatlarını davam etdirməkdən çəkindirmək, Azərbaycanda asılı bir feodal dövləti quraraq ölkəmizi uzun illər inkişafdan saxlayacaq birisini hakimiyyətə gətirməkdir. Ölkəmizi qorumaq üçün iqtidarlı-müxalifətli, hamılıqla düşmənlərimizin yeni müstəvidə açdıqları bu savaşa qarşı dayanmağı bacarmalıyıq. Söyüş söyənlərə məğlubiyyət ölkəmizə Qarabağın işğal altına düşməsindən daha çox zərər vura bilər. Çox təəssüf ki, iqtidardakı və müxalifətdəki ləyaqətli insanların mənəvi terrora qarşı dayandığı bir vaxtda iqtidara ən böyük zərbə və xəyanət onun içərisindən gəlir.

- Bu, çox ciddi ittihamdır. Nəyə əsaslanaraq belə ittiham irəli sürürsünüz – konkret ad, misal çəkə bilərsinizmi?

- Elə özümlə bağlı bir fakt söyləyim. Xatırlayırsınızsa Sizin sayta verdiyim açıqlamamda (Bura bax: DEPUTATDAN NAXÇIVANLA BAĞLI ŞOK AÇIQLAMA VƏ TƏKLİFLƏR) qeyd etmişdim ki, Naxçıvanın iqtisadiyyatının inkişaf etdirilməsinə ehtiyac var. Prezident də daim söyləyir ki, iqtisadiyyatımız inkişaf etdirilməlidir və əyalət rəhbərlərinin fəaliyyətinə həm də iqtisadiyyata özəl sərmayənin cəlb olunmasına görə qiymət veriləcəkdir. Prezidentin bu mövqeyinin nəticəsi kim artıq 34 rayon və şəhərin rəhbəri öz işini yeni tələblərə uyğun qurmağı bacardığından dövlət büdcəsindən dotasiya almır, bəziləri isə öz xərclərini tam ödəməklə yanaşı dövlət büdcəsinə milyonlarla vəsait də ödəyirlər. Öz xərclərini tam ödəyə bilməyən digər rayonlara isə cəmi 104 milyon manat dotasiya ayrılır. Naxçıvan MR iqtisadiyyatı isə yerli büdcənin gəlirlərinin cəmi 21,7%-ni təmin edir və dövlət büdcəsindən bütün digər rayonlardan 3 dəfədən çox - 300 milyon 360 min manat dotasiya alır. Bu rəqəmləri deputatlara hökumət təqdim edib. Mən də büdcənin müzakirəsi zamanı imkan olmadığından mətbuatda bu barədə danışmışdım. Mövcud vəziyyəti dəyişmək üçün Naxçıvanın sosial-iqtisadi inkişafına dair Xüsusi Dövlət Proqramının qəbul edilməsinin, Naxçıvanda Azad İqtisadi Zonanın, istehsal və emal müəssiələrinin yaradılması yolu ilə yeni iş yerlərinin açılmasının vacibliyini qeyd etmişdim.

Bundan sonra Naxçıvandan Azad Cabbarov adlı bir nazir və başqa bir vəzifəli şəxs, Prezident və iqtidar partiyası mənəvi terrorla məşğul olanları qınadığı halda, Prezident və ailəsi təhqir olunan zaman susan bu mənfur ünsürlər, sosial şəbəkədə Naxçıvanı təmsil edən deputat olmama baxmayaraq, məni Naxçıvanın “daxili işlərinə” qarışmaqda ittiham edərək siyasi fəaliyyətimə aidiyyatı olmayan yaxınlarımla birlikdə nalayiq formada təhqir etmişlər. Sözün bütün mənalarında böyüklərinə dediklərini mənə ünvanlamışlar. Prezidentin yürütdüyü siyasətə qarşı çıxan bu quduzlaşmış, xaricdən söyüş söyən gədələrdən heç nə ilə fərqlənməyənlər, əslində, ölkə rəhbərliyinə meydan oxuyurlar. Naxçıvan Azərbaycanın ayrılmaz tərkib hissəsidir və onlar cəzalanmalıdırlar. Vasif Talıbov vaxtı ilə türk vətəndaşı tərəfindən ən ağır formada təhqir olunub ittihamlara məruz qalanda Milli Məclisdə mən onun şərəf və ləyaqətinin müdafiəsinə qalxsam da, yazılı müraciət etməmə baxmayaraq, məni təhqir edənlər barədə heç bir tədbir görmədi, əksinə, həmin şəxsin təltif olunması barədə təqdimat verdi.

Ümid edirəm, bu açıqlamamdan sonra Azərbaycan rəhbərliyi deputatı təhqir edən, iqtidarda olub onun siyasətinə qarşı çıxan həmin şəxsləri cəzalandıracaq, kimsənin ona meydan oxumasına və mərkəzi hakimiyyətin Naxçıvana nəzarəti itirməsinə şübhələrin yaranmasına imkan verməyəcək, söyüş söyənləri qınamağa mənəvi haqqını qoruyub saxlayacaqdır.

Vaqif NƏSİBOV

AzPolitika.info

635x100

Şərhlər

Osman 2019-02-02 10:30:13

... nə zaman əl çəkəcək?

orxan 2019-02-02 10:30:13

Qüdrət, Vasif heç olmasa -------

Kimsəsiz Yaşar 2019-02-02 10:30:13

Yaxşı olardı ki, pafoslu sözlər əvəzinə sözün həqiqi mənasında səmərəli tkliflərlə çıxış edəsən.

Kimsəsiz Yaşar 2019-02-02 10:30:13

Görünür ki, sən XX əsrin sonlarına doğru SSRİ-nin dağılması fonunda Cənubi Qafqazda yaranmış mürəkkəb vəziyyəti və və bu mürəkkəb vəziyyətin bilavasitə təsiri nəticəsində Naxçıvanın üzləşdiyi dərin problemləri analiz etmək və nəticə çıxarmaq iqtidarında deyilsən.

REDAKTOR 2019-02-02 10:30:13

.. .....Vasif onun başı üçün dəyil...

Kohne Naxcivanli 2019-02-02 10:30:13

Qudret, Budceden rayonlara ve Naxcivana ayrilan vesaitin nisbetini gostermeyinli beraber,vacib idi ki, insanlara unitar dovlet olmagimiza regmen Muxtar dovletin movcudlugununun hansi tarixi zeruretden yaranmasini, 30 il erzinde davam eden blokada seraitini, her an tecavuze hazir olan menfurlarla uz-uze dayanaraq tarixi torpaqlarini mertlikle mudafie eden sanli Naxcivan Ordusunun herbi qudretinin daha da mohkemlenmesi ve 3 xarici olke ehatesindr yasayan vetensever naxcivanlilarin tehlukesizliyine qeyd olunan vesaitden de artiginin ayrilmasinin vacibliyini izah etseydin deputatligina azaciq hormet qazandirardin..

Abdullah 2019-02-02 10:30:13

Bu Qudrət bəy müxalifətdən iqtidara .....n elə sözlər danışırlar ki..

G M 2019-02-02 10:30:13

Az.politika halaldır sizə)))))))))))))))))))))))))))

NAXÇIVAN UĞRUNDA 2019-02-02 10:30:13

Qüdrət bəy Naxçıvan MR-in iqtisadittaının inkişafına öz biznesiniz kimi yanaşmayın. Naxçıvan MR-in xalqla birgə çiyin-çiyinə işləyən Rəhbəri və Azad müəllim kimi Nazirləri var.Maraqlıdır niyə əvvəllər bu haqda demirdiniz demək ki, maraqlar indi özünü büruzə verib. Mən heç o, Azad müəllimi tanımıram amma kimsə onun haqqında indiyədək Sizdən başqa neqativ danışan olmayıb. Odur ki, bir Naxçıvanlı olaraq Sizə tövsiyyəm mehriban və qərəzsiz olmaqdır.Biz bir olanda güclü oluruq, parçalananda isə daha zəif....

culfalı Əhməd 2019-02-02 10:30:13

Qüdrət bəy Naxçıvandan deputat seçiləndə yaxşı idi, indi birdən birə bəs nə oldu ki belə bir fikirlər səsləndirməyə başladı?...

Abit 2019-02-02 10:30:13

Deyesen yatmısan ... Naxçıvanda10 il bunda evvel ne qeder ehali var idi indi ne qederdi?

NAXÇIVAN UĞRUNDA 2019-02-02 10:30:13

Qüdrət bəy əvvəla unutmayın ki, Naxçıvanın deputatı Bakıda yox onu seçən xalqın yanında olmalıdır və onda bilər ki, orda inkişaf var ya yox. Yəqin ki, Naxçıvanın 15 il bundan əvvəlki vəziyyəti yadınızdadır.İndi isə necədir. O kəndinizə gedən dağılmış yolu nə tez unutdunuz bəs indi o asfaltı Sizmi çəkdirdiniz. Naxçıvanın qədrini əsl Naxçıvanlılar bilir.

Yetmali 2019-02-02 10:30:13

------------

Qüdrət bəyə 2019-02-02 10:30:13

Qüdrət bəy, statiska deyir ki Naxçıvanda işsiz yoxdur, sizsə deyirsiz işsizlikdən insanlar Türkiyədə ən pis işlərdə çalışırlar. Siz yaxşı olar ki MM-də hökümətin yalan-palanlarından, statiska idarəsinin yalan informasiya verən lazımsız quruma çevrilməsindən danışın. O ki qaldı ki idarə etməyə, H.Əliyev dövrü istisna olmaqla AXC höküməti zamanıda, indi də Naxçıvan MR mərkəzi saya salmayıb. Nəəcəb hörmətli Siyavuş m-m bu söyüş söyənlərin cəzalanırılması barədə danışmır?

G M 2019-02-02 10:30:13

Qudrət bəyə ona görə hörmətim var ki,çox səmimi adamdır.....

məmməd 2019-02-02 10:30:13

Ayrılan 300 miyonun böyük bir hissəsi şübhəsiz məmmurlar tərəfindən mənimsənir. Sübut? Bu gün Azərbaycanın ən kasıb bölgəsi elə muxtar respublikadır. Bakıdan göndərilən naziri geri qaytarırlar. Bakıdan puldan başqa heç nə almaq istəmirlər. Bunu hami bilir. Görəsən bu dözümlülük haradan qaynaqlanır?

azeri 2019-02-02 10:30:13

----------

Huseyn əfəndi 2019-02-02 10:30:13

Naxçıvanın deputatını Naxçıvanın daxili işlərinə qarışmaqda ittiham edirlərsə, deməli vəziyyət xərabdır...

Bashirov Qarib 2019-02-02 10:30:13

Kimsə ya haqlı, ya haqsız deputatı təhqir edirsə,ailə uzvlərini cəzalandırırsa,bu o deməkdir ki,mərkəzi hakimiyyət Naxçıvanda idarəetməni itirib?...

Koxa 2019-02-02 10:30:13

---------

qulu 2019-02-02 10:30:13

Naxçıvanın mərkəzi hakimiyyətə tabe olmadıgı çoxdan baş verib və hamı bilir ki, bu tabeçilik yalnız kagızda belədir.Mərkəzi hakimiyyət Naxçıvana yalnız maliyyə ayırmaqdan başqa heç nəyə təsir edə bilmir.Bir naziri belə oz iradəsi ilə təyin edə bilmirsə, verdiyi fərman və sərancamı 1 günün içərisində ləgv etməyə məcbur olursa bu necə mərkəzi hakimiyyətdir? ...

Ağsaqqal 2019-02-02 10:30:13

...Dünyada hər şey movcuddur ,amma bu qədər də yox də ! ...

rawad 2019-02-02 10:30:13

Naxcivanin Gencler ve Idman naziri, mende deyirem kim soyub))) Qudret muellimde sert cavab verib haa. sizi daha Naxcivana buraxmazlar))

Son yazılar