“Apple” onun proqramında səhv tapan məktəblini mükafatlandıracaq
Baxiş sayı:
Dərc olunub:
08/02/2019 - 22:41
“Apple” korporasiyası “FaceTime” proqramında zəng edilən abonenti zəngə cavab verməzdən öncə eşitməyə və görməyə imkan yaradan səhvi hamıdan əvvəl aşkarlayan 14 yaşlı məktəbli Qrant Tompsonun ailəsini mükafatlandıracaq.
AZƏRTAC xəbər verir ki, The Verge portalının yaydığı məlumata görə, mükafatın məbləği açıqlanmır. Bundan başqa, kompaniya Qrant Tompsonun təhsil xərclərini də öz üzərinə götürüb.
“Apple” korporasiyası, həmçinin “FaceTime” proqramındakı səhvi aşkar edənlərə təşəkkürünü bildirib və həmin nasazlığın toxunduğu insanlardan üzr istəyib. Fevralın 7-də isə özünün iOS 12 mobil əməliyyat sistemində səhvi aradan qaldıran yenilənməni işə salıb.
Şərhlər
Hər hansısa bir şərh yazılmayıb.