İstanbulda azərbaycanlıalrın yığışdığı kafeyə hücum oldu: 11 yaralı

Türkiyənin İstanbul şəhərində azərbaycanlıların toplaşdığı kafe hücuma məruz qalıb.

Məlumata görə, hadisə avqust ayının 16-da Başakşəhər rayonunda baş verib. Naməlum silahlı kafeyə yaxınlaşaraq pəncərədən içəri atəş açmağa başlayıb. Hücum zamanı 11 nəfər yaralanıb. Yaralılar arasında azərbaycanlıların olub-olmadığı hələlik məlum deyil.

"İhlas" xəbər agentliyi hadisə anı təhlükəsizlik kameralarına düşən görüntüləri yayımlayıb. Kadrlarda silahlının kafeyə atəş açdıqdan sonra hadisə yerindən qaçdığı əks olunur. Şahidlərdən biri hadisə anını beə təsəvvür edib.

Kafenin çayçısı Cevdet Tayfun deyib: “Mən çöldə idim. Arxamı çevirəndə pəncərədən atəş açmağa başladı. Mən söyüş söyərək ona daş atdım və arxasınca qaçdım. Küçənin tinində mənə də atəş aşmaq istədi, lakin silah açılmadı. Bu, fərdi olaraq mənə və ya burada olan kiməsə qarşı edilmiş bir hücum deyil. Bu, ictimai bir hadisədir. Bu məsələyə diqqət yetirilməsini istəyirəm. Həqiqətən də qrup halında bir yerdə toplaşa bilmirik. Mən bu kafeni yenidən açsam da heç kim bura gəlməz. Daha əvvəllər də hədələrlə qarşılaşmışıq”.

Faktla bağlı istintaq araşdırması başladılıb.