Bakıda batut gimnastikası və tamblinq üzrə Dünya Kubokunda ikinci yarış günü başlayıb

Dərc olunub: 17/02/2019 - 16:24

e40b85ba35cbd1e61d9905c6509c4d29Bakıda batut gimnastikası və tamblinq üzrə Dünya Kubokunda ikinci yarış günü başlayıb.Trend-in məlumatına görə, bu gün qadın və kişi batutçular arasında fərdi və sinxron proqramlar, həmçinin tamblinq üzrə final mərhələləri keçirilir. Tamblinq cığırında ölkəmizi Maksim Malkin təmsil edir.

Ümumilikdə turnirdə 30 ölkədən 160-dan çox gimnast iştirak edir.

Tokio Olimpiya Oyunlarına təsnifat xarakteri daşıyan və batutçular üçün ilin ən vacib startlarından biri olan bu Dünya Kubokunda Vladislav Qonçarov, Rozanna Maklennan, Ceyson Börnett, Dun Dun, Qao Ley, Dmitri Uşakov və Peyc Brioni kimi Olimpiya ulduzları mübarizə aparır.

Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.
2019 və 2020-ci illərdə Tokio Olimpiya Oyunlarına batut gimnastikası üzrə təsnifat xarakterli 6 Dünya Kuboku keçiriləcək. Paytaxtımız gələn il bu kuboklardan daha birinə də ev sahibliyi edəcək.

Xatırladaq ki, ötən il Bakıda 26 ölkənin iştirakı ilə gimnastikanın bu növü üzrə Avropa çempionatı, daha öncəki illərdə isə Dünya kubokları (2016-cı il 17 ölkə, 2017-ci il 15 ölkə) keçirilib.








loading...


Fikrinizi bildirin