"Bunlar hələ vergi yoxlamasına cəlb edilənlərdir..." - Mikayıl Cabbarov
Vergi və sahibkar münasibətləri təmiz səhifədən başlamalıdır. Bu gün dövlət-biznes münasibətlərində yeni bir mərhələ start götürüb. Vergi qanunvericiliyində ciddi dəyişikliklər edilib.
Bunu vergilər naziri Mikayıl Cabbarov bu gün keçirilən “Vergilər. Şəffaflıq. İnkişaf” mövzusunda konfransda söyləyib.
Nazirin sözlərinə görə, 2019-cu ildə qarşıda duran hədəflərin mühüm bir hissəsi vergi sistemi ilə bağlıdır və verginin iqtisadi tənzimləmədə rolu artıb.
“Şəffaflığın təmin edilməsi istiqamətində yeni yanaşmalar işgüzar mühitdə yeni gözləntilər yaradır. Bu transformasiya dərhal baş vermədi və təbii ki, zaman tələb olunurdu”, - deyən Mikayıl Cabbarov ədalətli biznes mühitinin yaradılması üçün səylərin gücləndiyini vurğulayıb.
“Elə bir vəziyyət yaranmışdı ki, intizamlı işləmək istəyən şirkətlər bazar paylarını itirməklə üzləşirdilər. Kölgə iqtisadiyyatı, uçotun olmaması vəziyyəti pisləşdirmişdi. 2018-ci ildə kölgə iqtisadiyyatımın səviyyəsinin azaldılması üçün uçot sistemi ilə bağlı işlərimiz bəzən müqavimətlə və bir günlük şirkətlərin yaradılması halları ilə belə qarşılaşdı. Bunların aradan qaldırılması üçün görülən işlər artıq öz müsbət nəticəsini verməyə başlayıb. Şəffaflıq iqtisadiyyatı rəqabətqabiliyyətli edir, ona görə də haqsız rəqabətin qarşısının alınması üçün lazım olan addımları atırıq”.
Nazir bildirib ki, hökumətin qarşısında iki yol olub: vergi yükünün artırılması yolu ilə daxilolmaları yüksəltmək və ya vergi yükünün azaldılması ilə kölgə iqtisadiyyatında qalan subyektləri dövriyyəyə cəlb etmək.
Azərbaycan hökuməti isə bu iki ssenaridən ikincini seçib. 2019-cu ildə kölgə iqtisadiyyatının aradan qaldırılması istiqamətində işlərin davam edəcəyini qeyd edən nazir 2018-ci ildə aparılan yoxlama zamanı ortaya çıxan rəqəmləri açıqlayıb:
“İri topdansatış obyektlərində 930 milyon manat, şəbəkə marketlərdə 122 milyon manat, özəl tibb müəssisələrində 230 milyon manat vəsaitin dövlət büdcəsindən yayındırılma halı aşkarlanıb. Bunlar hələ vergi yoxlamasına cəlb edilənlərdir”.
M.Cabbarovun fikrincə, 2019-cu ildə bəyan edilən dövriyyələrin sayı və daxilolmaların həcmi artıb:
“Sənədləşməni tam yoluna qoya bilsək, iqtisadiyyatın ağarması baş verəcək, bu isə ədalətli biznes mühiti yaradacaq”. /"fed.az"
Şərhlər
nəzərə alsaq ki gələn il həm də əmək haqqindan icbari tibbi sığortaya da 2 faiz ödəniş olacaq.BU məsələyə baxsaz yaxşı olar
Hörmətli Mikayıl müəllim!.Gəlir vergisi ilə əlaqədar son dəyişikliklərlə əlaqədar dövlət müəssisələrində işləyən və aşağı maaş alanların sosial vəziyyətinin yaxşilaşdirilması və pensiya təminatı üçün onlarin da gəlir vergisini azaltmaq yaxşıolardı.Sığorta vergisini işçi üçün 3 faizdən 5 faizəqaldirmaq.işəgötürənlər üçün 22 faizdən 20 faizə endirmək və əvəzində gəlir vergisini minimuməmək haqqının 5 mislinə qədər 14%dən 5%-Ə 5 mislindən 10 mislinə qədər 7 faizə və.s endirməlk olar.Nəzərə alsaq ki gələn il
Hörmətlı Mikayll müəllım.dovlət muəssisələrində işləyən işçilərin gəlir vetgisini 14 faizdən 5 faizə endirmək.siğorta ayirmasini 3 faizdən 5 faizə qaldirmaq .işəgöturən üçun isə 22 faizi 20faizə endirilsə yaxşı olardı.Özəlfə işləyənlər10 faiz siğorta verirlər.ona görə dövlət müəsdlsələrində işləyənləri dəartirmaq lazımdir klaz maaş alanlar pensiyya çıxanda. Normalpensiya ala bilsinlər