Azərbaycan və Aİ Qarabağ münaqişəsinin nizamlanmasını müzakirə edəcək
Azərbaycanın xarici işlər nazirinin müavini Mahmud Məmmədquliyev fevralın 27-28-də Brüsseldə keçiriləcək Avropa İttifaqı-Azərbaycan Əməkdaşlıq Komitəsinin iclasında iştirak edəcək.
"Report" xəbər verir ki, bu barədə Azərbaycan Xarici İşlər Nazirliyinin rəsmi nümayəndəsi Leyla Abdullayeva məlumat verib.
"Aİ-Azərbaycan Əməkdaşlıq Komitəsinin növbəti iclası fevralın 27-28-də Brüsseldə keçiriləcək. Nümayəndə heyətimizə xarici işlər nazirinin müavini Mahmud Məmmədquliyev rəhbərlik edəcək", - deyə L.Abdullayeva deyib.
XİN rəsmisi qeyd edib ki, iclas zamanı tərəflər Dağlıq Qarabağ münaqişəsinin həlli, yeni saziş üzrə Azərbaycan-Aİ danışıqlarının vəziyyəti, Azərbaycanın "Şərq tərəfdaşlığı" proqramındakı rolunu müzakirə edəcəklər.
L.Abdullayeva həmçinin energetika, nəqliyyat, ticarət, təhsil və elm sahəsində əməkdaşlıq məsələlərinin də müzakirə ediləcəyini bildirib.
Şərhlər
Hər hansısa bir şərh yazılmayıb.