İKİQAT QAZANAN BANKLAR VƏ “GÜNAHKAR” VƏTƏNDAŞ – Beynəlxalq Bank talananda susanlar indi niyə xəsislik edirlər?

Banklar bayram edir; 10 min dollardan artıq krediti olanlar isə intihar həddindədir!

Dollar kreditlərinə dair Prezident fərmanının on minlərlə ailəni sevindirdiyi şəksizdir. Lakin uzun müddətdir bu qərarı gözləyənlərin təəssüf ki, heç də hamısı sevinə bilmədi. Səbəb isə hökumətin məlum sənədi hazırlayan kəsiminin, yəni əsas maliyyə qurumlarının növbəti dəfə əhalinin maraqlarından daha çox bankların və öz maraqlarından çıxış etmələridir. Bunun nəticəsi olaraq, güzəştlərin yalnız 10 min dollaradək kredit götürənlərə şamil edilməsini əks etdirən sənədin ortaya qoyulması böyük sayda ölkə insanının dövlətin güzəşt siyasətindən kənarda qalmasına səbəb oldu.

Maraqlıdır ki, Konstitusiyanın eyni hüquq tanıdığı ölkə vətəndaşlarının bu şəkildə kateqoriyalara bölünməsi nədənsə başqa vaxt hüquqi dövlətdən danışan hüquqşünasların, eləcə də hökumətin iqtisadi siyasətini təftiş edən iqtisadçı-ekspertlərin “nəzərindən qaçıb”. Nədənsə heç kim 10 min dollardan artıq kredit götürüb (Bu nə cinayətdir, nə də günah-red.), evini, torpağını, bütün mal-mülkünü girov qoyan və elə həmin hökumətin yarıtmaz siyasətinin nəticəsi olaraq, ortaya çıxan iki devalvasiyanın qurbanına çevrilən digər vətəndaşların ah-naləsini görmür və eşitmir.

Əvəzində isə banklar bayram edir. “AzPolitika.info”ya daxil olan məlumata görə, məlum qərardan sonra ölkənin bir çox banklarında ziyafətlər təşkil olunub. Səbəb isə həmin qərarın birmənalı şəkildə bankların maliyyə vəziyyətinin yaxşılaşdırılmasına, yeni və ucuz maliyyə mənbələrinə yiyələnmələrinə şərait yaratmasıdır. Ancaq banklardan fərqli olaraq, 10 min dollardan çox kredit götürənlər qətiyyən bayram əhval-ruhiyyəsində deyillər.

Hacı İbrahimə 1.2 milyard dolları peşkəş edənlərin əhaliyə pul verəndə “əlləri əsir”

Məsələ ondadır ki, hökumətin ölkə başçısına təqdim etdiyi bu qərarda 10 min dollardan artıq krediti olanların problemlərinin həllinə dair hər hansı eyham belə yoxdur. Sanki Azərbaycanın yox, hansısa yad ölkənin vətəndaşları olan bu insanlara bir növ “canın çıxsın, get təzə kursla ödə” deyilir. Heç olmasa, məsələn, 30 min dollar kredit götürən vətəndaşa tam məbləğ üzrə olmasa da, digərləri kimi 10 min dollarlıq hissə üzrə güzəştləri tətbiq etmək olmazdımı? Yaxud restrukturizasiya ilə bağlı müddəa, yəni borcun 5 il müddətinə 0.1 faiz kredit xətti ayırmaqla qaytarılmasını təmin etmək mümkün deyildimi?

Ancaq bunların heç biri edilmədi. Əvəzində, restrukturizasiyaya ayrılan məbləği çıxsaq, deyildiyi kimi, məzənnə dəyişməsindən dəyən ziyanın birbaşa qapadılmasına cəmi 700 milyon manata yaxın vəsait ayrılıb. Burada ziddiyyətli rəqəmlərin səsləndirildiyini də nəzərə almaq lazımdır – biri bu fərmanın 900 min, biri 800 min, digəri 450 min vətəndaşı əhatə etdiyini bildirir. Bu göstəriciləri ortalama olaraq nəzərə alsaq, görərik ki, dollar kreditilə bağlı yardım orta hesabla adam başına təxminən 800-1000 manat təşkil edir. Bu o deməkdir ki, müvafiq qurumlar yenə də öz yarıtmaz fəaliyyətlərinin nəticəsində baş verən devalvasiyaların ağır nəticələrini bütövlükdə ölkə iqtisadiyyatı ilə yanaşı, 10 min dollardan artıq kredit götürən adi vətəndaşların və sahibsiz sahibkarların üzərinə atmış oldu. Hansı ki, elə onların nəzarət etməli olduqaları Beynəlxalq Bankdan oğurlanan pulun miqdarı 700 milyon manatdan qat-qat çoxdur. Təkcə şübhəli və avantürist layihələri, açıqlamaları ilə məlum reputasiya sahibi olan Hacı İbrahim Nehrəmliyə devalvasiyadan əvvəl 850 milyon manat, yəni 1 milyard dollardan artıq kredit ayrılanda bu qurumların rəhbərləri harada idilər görəsən? Bu gün yalnız “Xəzər adaları” adlı avantüraya 1 milyard dollardan çox pulu silib, dənizin ortasında 3-4 sınıq-salxaq, yarımçıq bina tikilməsinə göz yuman bu “maliyyəçilərin” indi əhalinin kredit probleminin normal həllinə pul ayıranda nədən əlləri əsir? Güzəşt qərarına aid maliyyə vəsaitini mümkün qədər azaldaraq, özlərini ölkə başçısına “şirin salmağa” və problemin miqyasını kiçik göstərməyə çalışan bu "maliyyə bosslarının" Beynəlxalq Bank aşsüzənə döndəriləndə dilləri niyə lal olmuşdu?

Yenə qazanan banklar oldu

Mərkəzi Bankın icraçı direktoru Rəşad Orucov isə 10 min dollardan çox kredit götürənlərlə bağlı suala cavab olaraq bildirib ki, təhlillər nəticəsində problemli kreditlərin 95 faizinin 10 min dollardan aşağı məbləğdə olduğu müəyyən edilib. Yəni belə çıxır ki, qalan 5 faiz vətəndaş itsə də, batsa da olar. Onu da xüsusi vurğulayaq ki, digər 95 faizdən fərqli olaraq, məhz 10 min dollardan yuxarı kredit götürənlər banklara evlərini, olan-qalanlarını girov qoyublar və onların böyük bir qismi də artıq ev-eşiklərindən məhrum ediliblər. Yəni 10 min dollardan artıq krediti olan sıravi vətəndaşların və sahibkarların boynuna keçirilən iplər onsuz da bankların əlindədir. Ancaq nədənsə hökumət bu insanları bankların boyunduruğundan azad etmək istəmir. Hansı ki, əgər doğrudan da R.Orucovun dediyi kimidirsə, 95 faizin problemini həll edən hökumət, nədən 5 faizin problemi qarşısında aciz qalmalıdır ki? Əvvəldə qeyd etdiyimiz kimi, heç olmasa borcun 10 min dollarlıq hisssəsinə güzəşt edilə, yaxud restrukturizasiya şamil oluna bilməzdimi?

Elə Elman Rüstəmovun özü son açıqlamaları ilə təsdiqlədi ki, vətəndaşla dövlət arasındakı narazılığın kökündə məhz məmurların şəxsi maraqları durur. Telekanalların birinə müsahibə verən Mərkəzi Bankın rəhbəri deyib: “Prezident İlham Əliyev bildirdi ki, dövlət borc yükünü tam üzərinə götürməlidir... Təbii ki, bunun üçün maliyyə vəsaiti lazımdır, lakin dövlət başçısı dedi ki, problemli kreditlər məsələsində maliyyə önəmli deyil. Yəni bu problemə maliyyə baxımından yanaşsaq bu sosial deyil, iqtisadi layihə olur. Sosial ədalət prinsipi tam şəkildə reallaşmalıdır...”

Yaxşı, burada aydın olmayan nə qalır? Əgər ölkə başçısı şəxsən bunları deyibsə, əhalini “10 min dollara qədər” və “10 min dollardan artıq” kredit borcu olmaqla təbəqələrə bölmək hansı beyinin məhsuludur? “Problemli kreditlər məsələsində maliyyə önəmli deyil” ifadəsi bu güzəştlərin bütün devalvasiya qurbanlarına şamil edilməsi mənasını daşımırmı? Əlbəttə ki, buraya Beynəlxalq Bank və digər banklardan məmurların və Hacı İbrahim kimilərin kredit adı altında oğurladıqları vəsaitləri aid etmək olmaz. Zatən E.Rüstəmov da kimin haradan nə “çaldığını” hamıdan gözəl bilir və bilir ki, hansısa xəstəsinin probleminin həlli, yaxud biznesi üçün 10 min dollardan artıq məbləğdə kredit götürən çoxlu sayda günahsız vətəndaş var. Ancaq nədənsə, bu adamlar güzəşt olunacaq müştərilərin siyahısına salınmırlar. Sual olunur – NİYƏ?

Əvəzində, "maliyyə bosslarının" istədikləri oldu. Həmin E.Rüstəmov deyir, daha doğrusu etiraf edir: “Bank sektoru prezidentin son fərmanından ikiqat qazanacaq. Bir tərəfdən banklar sağlamlaşacaq, xüsusilə kapital baxımından ciddi dəstək alacaqlar, aktivlərindəki problemli hissəni azaldacaqlar, digər tərəfdən onlar uzunmüddətli kreditləşmə üçün ucuz maliyyə resursları əldə edəcəklər”. Əlavə şərhə ehtiyac qalırmı? Bu, heç dolayısı ilə də deyil, birbaşa olaraq onun sübutudur ki, məlum iri çaplı məmurlar bu xeyirli təşəbbüsü də özlərinin maraqlarına uyğun istiqamətə yönəltməyi bacardılar. Hamı bilir ki, Azərbaycanın bank sektoru məlum məmur-oliqarxlara aid ailələrin nəzarətindədir. Elə həmin E.Rüstəmovun özünün “Bank Respublika”nın gerçək sahibi olduğunu bank sektorunda bilməyən, danışmayan yoxdur. Belə olan təqdirdə, “bank sektoru bu fərmandan ikiqat(!) qazanacaq” deyən Mərkəzi Bank rəhbərindən daha nə gözləyəsən?

Sonda vətəndaşa yalnız bu fərmanın davamını gözləmək qalır. Vətəndaş yenə ümid edir ki, bu ayrıseçkiliyə son qoyulacaq, güzəştlər bütün devalvasiya qurbanlarına şamil olunacaq. Yoxsa belə çıxır ki, məlum fərmandan da ən çox qazanan vətəndaşlar yox, onları uzun illərdir çapıb-talayan banklar və bu bankların arxasında duranlar olacaq...

Cəlal MƏMMƏDOV

AzPolitika.info

635x100

Şərhlər

Azer 2019-03-11 21:11:21

Eger bu banklar olmasaydi xalq cox gozel yasayardi

lerikden Mehemmed Hesen emi 2019-03-11 21:11:21

eyer olkede qanun iwlese idi, ,,,Heci,,, ibrahim, elman rustemov, samir werifov ve savanturistler, indi cahingirin yaninda meleyirdiler, xalqin milyardini haci ibo nehremli tokdu denizin otasina icine .... ,niye cezasiz qalib?

Moshu ve d. 2019-03-11 21:11:21

Msteqil"adliigalci-dagidicikapitalizmle uzlesdik. Umumxalq mulkinin isgali, total ucuz OzЭllenmesi, saysiz banklama ve hedsiz mexaric, illerle isciye ozelleme payi ve emek haqlari odenmemesi, tehsil ve tibbin odenishe kecmesi eski Sosialdan Yirtici kopitalizme kecid deyilmi?

Ceyhun nebiyev 2019-03-11 21:11:21

Azərbaycan xalqının bu gün bu veziyetde olmasında banklarında böyük eli var,dünyanı hansı ölkəsində 36 faizə kredit var?sonra deyirler inkişaf var,bu faizlə hansı biznesi qurmaq olar?əgər orta sahibkar,xırda sahibkar olmasa o, ölkənin geleceyi yyoxdur.

Moshu 2019-03-11 21:11:21

Son zamanlar Cəlal MƏMMƏDOV kimi müxbirlərin aktual mövzularla bağlı yazıları gündəmə gətirmələri çox müsbət haldır. Belə jurnalistlər ölkə başçısının yaxın dostu və köməkçiləridirlər. Həqiqətən də 10000 dollardan yuxarı banklara borcu olan vətəndaşlarımızın 5 faizi, lap olsun 1 faizi niyə ayrı-seçkiliyə məruz qalmalıdırlar? Demişəm, bir daha təkrar edirəm, ölkə başçısı gördüyü müsbət islahatlar niyə tənqidə məruz qalmalıdır? Dövlət büdcəsindən kifayət qədər məvacib alan köməkçiləri hansı məqsədə qulluq edirlər,bunların məqsədi Prezidentin maşının təkərinə barmaq etməkdirmi? Bu yerdə yaxşı atalar sözü yadıma düşdü: “Allahım məni yaxınlarımdan qoru, düşmənlərimlə özüm də bacararam”. Cənab Prezident, ətrafınız Sizə layiq deyil. Siz cəmiyyəti irəli aparırsınız, ətrafınızın isə təkərini pas basıb, ona görə Sizin sürətinizə tab gətirə bilmirlər, ona görə də qatarımız lazım olan sürətlə getmir. Qeyd edilən 5 faiz olan-qalanını girov qoyub, neçə-neçə ailələr borca düşdüklərinə görə müflisləşərək dağılmaq məcburiyyətində qalıblar, neçə ailələr bədbəxt olublar. Mən Prezidentimə inanıram və güman edirəm ki, Novruz bayramı ərəfəsində 10000 dollardan yuxarı borcu olan vətəndaşlarını da sevindirəcəkdir.

Şəmsi Vəliyev 2019-03-11 21:11:21

Cox sag olun Cəlal muellim. Eyer sizin kimi duzgun insanlar varsa ve her weyi oldugu kimi yaza bilirse (ve bu cap olunursa)umudumuz galir. Yegin ki 10000 dollardan cox kredit goturen insanlarinda vaxti geler, ancag omur cox gisadir, gozlemekden lap yoruldug

hellas 2019-03-11 21:11:21

BB milyardları silib büdcənin-millətin belinə yüklədilər. Çünki o pulları özləri oğurlamışdılar! Deyirsiniz ki, milləıtə pul ayıranda əlləri əsir. Bu elə də olmalıdır da atəm-gərdəşüm. Çünki o məmular bu millətin nümayəndəsi deylidirlər.....Və o məmurların millətin axırına çıxmaq üçün çalışır!! ....

EJDER 2019-03-11 21:11:21

BRAVO,KAPITAL...BU BANKLAR KIMINDIR HAMI BILIR...QUSARLAR ,SARAKOZI CANI...BU BIZIM ANALOQU OLMAYAN HOKUMETIMIZIN ANALOQU OLMAYAN BANK BORCLARININ HELLIDI.4 IL IWLEYIBLER HELE USTUNDE,4 ILDE IWLESEYDILER...OLARDI.WIROKO WAQAYET AZEBIJAN.HA HA HA...SAQ YEMEYESINIZ

ədalət 2019-03-11 21:11:21

Çox sağ olun Cəıal müəllim! Düzgün təhlildir. Əlavə edim ki, 50 min borcu olan hüquqi şəxslər də bu devalvasiyanın qurbanları olan vətəndaşlardır. Bəs onlar neyləməlidirlər. Vahid Əhmədov deyirdi ki, bunlardan yaranmış zərəri də 3 yerə bölünəcək. Bəs nə oldu???

sevda agakiwiyeva 2019-03-11 21:11:21

qardawim muharibe veterani -boyrek catiwmamazliigindan eziyyet cekirdi 14 min dollar kredit goturduk boyreyin deyiwmekcun dollar yazib manatnan verdiler 2014 de-wenbe banklar iwlemir cagirdilar oformit eledilir 6 gun sonra dollar qalxdi -demeli bilirdiler sag elim o bankirin bawina,hamisin bu il odeyib qurtardiq -evin satdiq -1 otaqda yawayirlar-qardawim oldu getdi 3 balasi yetim qaldi yalvardiq 1 manatda kecmediler rehmet getmiw adamcun-canin vu vetenin yolunda qoymuwdu-biz cekdiyimiz gunlerden ceksinler

Son yazılar