Fuad Qəhrəmanlı və Murad Ədilov azadlığa buraxılıb – FOTO

Dərc olunub: 17/03/2019 - 15:05

87204afb1cc260c39692b2e65b369d07Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı və partiyanın üzvü Murad Ədilov azadlığa buraxılıb.”Report”un nəlumatına görə, qərar Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı çərçivəsində Ədliyyə Nazirliyi Penitensiar xidmətin 10 saylı cəzaçəkmə müəssisəsində icra olunub.

Qeyd edək ki, F.Qəhrəmanlı 2015-ci ilin noyabrında həbs edilib. O, Cinayət Məcəlləsinin 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə), 281.2-ci (dövlət əleyhinə yönələn açıq çağırışlar, eyni əməllər təkrar və ya bir qrup şəxs tərəfindən törədildikdə) və 283.2.1 (dini, irqi, sosial nifrət aşılayan çağırışlar etmə) maddələri ilə ittiham olunub. Bakı Ağır Cinayətlər Məhkəməsinin hökmü ilə 10 il müddətinə azadlıqdan məhrum edilib.

fuad-qehre-768x432

M.Ədilov isə 2014-cü ilin avqustunda həbs olunub və ona qarşı Cinayət Məcəlləsinin 234.4.3-cü (böyük ölçüdə narkotik maddələrin qanunsuz dövriyyəsi) maddəsi ilə ittiham irəli sürülüb. O, Lənkəran Ağır Cinayətlər Məhkəməsinin hökmü ilə 6 il azadlıqdan məhrum edilib.

Hər iki şəxs ittihamların qondarma olduğunu, siyasi fəaliyyətlərinə görə həbs olunduqlarını bəyan ediblər.  Beynəlxalq təşkilatların da hesabatlarında onların vicdan məhbusu olduğu bildirilib. 

fuad01fuad








loading...


Fikrinizi bildirin