«Qazaxıstanın paytaxtına Nursultan adı verilsin» – Tokayevdən ilk təklif

Dərc olunub: 20/03/2019 - 13:05

0a1671b4a3e2ef410110cf92680c5734«AzPolitika.info»-nun Qazaxıstan KİV-nə istinadla verdiyi xəbərə görə, Qazaxıstan prezidenti vəzifələrinin icrasına başlayan Qasım-Comərd Tokayev ölkənin ilk prezidenti Nursultan Nazarbayevin adını əbədiləşdirmək məqsədilə, paytaxt Astana şəhərinə onun adının verilməsini təklif edib.

«Bizim paytaxtımız bizim prezidentimizin adını daşımalı və Nursultan adlandırılmalıdır» – Tokayev bildirib.

O, əlavə edib ki, Astanada (Qazaxıstanın paytaxtı) Nazarbayevin şərəfinə abidə kompleksi ucaldılmalı, Qazıxıstanın vilayət şəhərlərinin mərkəzi küçələri isə ölkənin ilk prezidentinin adını daşımalıdır.

Beləliklə, Nazarbayevin siyasi «varisi» gerçəkdən Comərd olduğunu elə ilk addımında təsdiqlədi.

Xatırladaq ki, martın 19-da Nazarbayev martın 20-dən özünün prezident səlahiyyətlərinə xitam verilməsi barədə fərman imzalayıb. Onun səlahiyyətləri parlament senatının sabiq spikeri Qasım-Comərd Tokayevə ötürülüb.








loading...


Fikrinizi bildirin