"Sarı jiletlilər" 20-ci etiraz aksiyası keçirəcəklər

Fransanın narazı sakinləri bu gün "sarı jiletlilər"in növbəti etiraz aksiyasında iştirak etmək niyyətindədir.

"Report" "İnterfax"a istinadən xəbər verir ki, bu barədə yerli KİV məlumat yayıb.

Qeyd edilir ki, nümayişlərin keçirilməsi Parisdə, Bordoda, Tuluzada, Lionda, Avinyonda və başqa şəhərlərdə planlaşdırılıb. Şənbə etirazları "sarı jiletlilərin" artıq 20-ci aksiyası olacaq.

"Sarı jiletlilər"in bu yaxınlarda keçirdikləri aksiyalarda qarışıqlıqlar və talanlardan sonra Fransanın hakimiyyət orqanları bəzi böyük şəhərlərdə nümayişlərin təşkilini qadağan edib.

Məsələn, Parisdə etiraz edənlərə Yelisey çöllərinə çıxmağa icazə verilməyəcək. Tuluzada "sarı jiletlilərə" şəhərin mərkəzi sahələrindən birinə - Kapitoli meydanına yığılmağı qadağan ediblər. Belə məhdudiyyətlə həmçinin Ruanda da tətbiq edilib.

Fransada "sarı jiletliləri"in liderlərindən olan Erik Drue icazəsiz nümayiş keçirdiyinə görə cərimə ödəyəcək.