ELMAR MƏMMƏDYAROVUN ERMƏNİ QADINLARLA SÖHBƏTİ – Video

Dərc olunub: 05/04/2019 - 10:50

elmarDünən Brüsseldən Moskvaya uçan təyyarədə Azərbaycanın xarici işlər naziri Elmar Məmmədyarovun Ermənistan vətəndaşları ilə qısa söhbəti olub. Söhbət zamanı Qarabağ problemilə bağlı da tərəflər arasında dialoq olub. 

Elmar Məmmədyarov bildirib ki, Dağlıq Qarabağ münaqişəsini dinc, siyasi-diplomatik yolla tənzimləmək vacibdir :“Hamı nəticələrin müxtəlif olduğunun düşünür. Hərə öz tarixinə əsaslanıb, kimin günahkar, kimin isə doğru olduğunu deyir. Fikrimcə, 2016-cı ilin apreli bizə göstərdi ki, bölgəyə sülh hələ gəlmir”.

O qeyd edib ki, münaqişənin dinc yolla tənzimlənməsi vacibdir: “Müharibə münaqişənin dinc yolla tənzimləməsinə qarşı ən böyük təhlükədir. Əlbəttə, başqa reallığın və yeni imkanların yaranması, münaqişəni iki xalqın həll etməsi üçün birmənalı şəkildə Ermənistan ordusu Azərbaycanın işğal olunmuş ərazilərindən çıxmalıdır”.

Erməni qadının “Azərbaycanın niyə sülhdən danışır, ancaq əksinə hərəkər edir” sualına cavab olaraq nazir bildirib ki,  “cavab çox sadədir. Ona görə ki, Ermənistan ordusu Azərbaycan ərazilərini işğal edib”.

E.Məmmədyarov bildirib ki, Azərbaycan ərazisi hələ də Ermənistan hərbçilərinin işğalı altındadır.

“Ermənistan vətəndaşı niyə hərbi xidməti Azərbaycan ərazisində keçir?”, – nazir erməni jurnalistlərə sual verib.

Rusiyadan olan stüardessa söhbətin davamına imkan verməyib.

Elmar Məmmədyarovun Ermənistan vətəndaşları ilə söhbətinin videosunu təqdim edirik.












loading...


Fikrinizi bildirin