Azərbaycan və Səudiyyə Ərəbistanı hərbi sahədə əməkdaşlıq edəcək
Baxiş sayı:
Dərc olunub:
07/04/2019 - 19:38
Səudiyyə Ərəbistanında rəsmi səfərdə olan Azərbaycan müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov bu ölkənin Silahlı Qüvvələri Baş Qərargah rəisi general Faiyad bin Hamed Al Rovaili ilə görüşüb.
"AzPolitika"nın Müdafiə Nazirliyinin saytına istinadla verdiyi məlumata görə, görüşdə ölkələrimizin orduları arasında əlaqələrin inkişaf perspektivləri, eləcə də hərbi, hərbi-texniki və hərbi təhsil sahəsində əməkdaşlıq məsələləri müzakirə olunub.
Görüşdə "Azərbaycan Respublikası hökuməti və Səudiyyə Ərəbistanı Krallığı hökuməti arasında hərbi sahədə əməkdaşlıq haqqında Saziş" imzalanıb.
Şərhlər
Hər hansısa bir şərh yazılmayıb.