HEYDƏROVLAR ÖLKƏYƏ İSTEFA MƏDƏNİYYƏTİ GƏTİRİR!? – Oğul ataya da nümunə olacaqmı?...
“Qəbələ” İdman Klubunun prezidenti, Fövqəladə Hallar naziri Kəmaləddin Heydərovun oğlu Tale Heydərovun tutduğu vəzifədən istefa verməsi kifayət qədər gözlənilməz hadisə oldu. Özü də, belə görünür ki, təkcə mətbuat və ictimaiyyət üçün yox, hətta öz doğma babası üçün də.
Buna görə Fəttah Heydərov nəvəsilə bağlı xəbəri ilk olaraq saytlardan öyrəndiyini deyib: “Tale Heydərovun prezidenti olduğu “Qəbələ” İdman Klubundan istefa verməsinə təəccübləndim. Özü ölkə xaricində olduğu üçün hələ ki, heç bir məlumatım yoxdur”.
Öncə T.Heydərovun istefası ilə bağlı xəbər yayılsa da, onun özünün məsələ ilə bağlı hər hansı açıqlaması verilmədi. Lakin görünür, sonradan xəbərin böyük maraq və rezonans doğurması cənab Heydərovu açıqlama verməyə və istefasının səbəbini göstərməyə vadar etdi.
13 ildir “Qəbələ”yə rəhbərlik edən klub prezidentinin gətirdiyi səbəb isə Azərbaycan reallıqları üçün olduqca maraqlı və hətta heyrətamiz görünür: “Klubun 13 il boyunca inkişaf etməsini görmək möhtəşəm idi və mən nailiyyətlərimizlə qürur duyuram. Artıq mənim üçün bu vəzifədən getməyin və başqasına bu böyük klubu yeni qələbələrə daşımaq fürsəti verməyin vaxtı çatmışdır. Mən, klubun əməkdaşlarına, oyunçularına və ən əsası azərkeşlərinə klubu indiki səviyyəyə çatdırdıqları üçün təşəkkür edirəm...”
Əsaslandırmaya diqqət: “Artıq mənim üçün bu vəzifədən getməyin və başqasına bu böyük klubu yeni qələbələrə daşımaq fürsəti verməyin vaxtı çatmışdır”. Əgər doğrudan da T.Heydərov dediklərində səmimidirsə, istefasının səbəbi sırf bununla bağlıdırsa... Heydərovlar Azərbaycana istefa mədəniyyəti gətirməyə başlayırlar?! Zarafat deyil – ölkənin aparıcı futbol klublarından birinin rəhbərliyindən könüllü istefa verəsən, özü də bunu 13 ildir həmin vəzifəni daşıdığını xüsusi vurğulayaraq, başqalarına yol açmaq istəyilə izah edəsən...
Mübaliğəsiz söyləyə bilərik ki, T.Heydərovun nailiyyətlərinin əsasında atasının məmur olaraq qazandığı imkanlar dursa da, bu şəxs öz mədəniyyəti, təmiz reputasiyası və qalmaqallardan uzaq personası ilə əksər məmur övladları üçün nümunə idi. Son istefa qərarı ilə isə nəinki məmur övladları, həmçinin uzun illər nazir vəzifəsindən üzü aşağı bir çox vəzifələrdə kreslolarından bərk-bərk yapışıb, pərçimlənən, “betonlaşan” məmurların özləri üçün də nümunə oldu. Göstərdi ki, doğrudan da bir vəzifəni uzun illər daşımaq nə həmin idarəetmə strukturunun inkişafına xidmət edir, nə də dünyadakı müasir düşüncə tərzinə, idarəçilik prinsiplərinə uyğundur - dəyişikliyə, yeniliyə ehtiyac var.
Görün Azərbaycanda nə qədər icra başçısı, nazir və nazir müavini, komitə sədrləri və s. vəzifəlilər vardır ki, 10-20 il, bəzən də daha çox müddətdə tutduqları vəzifələrdən vaz keçməyi heç ağıllarına da gətirmirlər. Qocalıb əldən düşürlər, özlərini idarə edə bilməz hala gəlirlər, amma kreslodan əl çəkmək istəmirlər.
Nə qədər qəribə görünsə də, T.Heydərovun bu addımı elə öz atası, Fövqəladə Hallar naziri Kəmaləddin Heydərov üçün də nümunə sayıla bilər!
T.Heydərov 13 il “Qəbələ”yə başçılıq etdiyi kimi, K.Heydərov da düz 13 ildir ki, Fövqəladə Hallar naziridir! Bundan öncə isə 11 il Dövlət Gömrük Komitəsinin sədri olub ki, o da nazirə bərabər vəzifədir, hətta bəzi “xüsusiyyətlərinə” görə xeyli üstündür də. Bu, üst-üstə 24 il (!) nazir olmaq deməkdir – bəs deyilmi? Əlbəttə ki, 24 il böyük müddətdir və bu müddətdə sözsüz ki, K.Heydərovun dövlət və hakimiyyət qarşısında xidmətləri, zəhməti olub – bunu danmaq olmaz. Lakin o da faktdır ki, (bəlkə də öz istəyindən kənar olaraq) K.Heydərov Azərbaycanda “varlı məmur”, “məmur-oliqarx”, “məmur-biznesmen” obrazlarının ilk yaradıcılarından biri, bəlkə də birincisi, yəni banisi sayıla bilər. Bu, Rasim Balayevin Nəsimi obrazını yaratması kimi bir şeydir – artıq kimsə istəsə belə, bu rolu onun kimi oynaya bilməyəcək, yəni əvəzsiz və təkrarolunmaz! Bunu bir zamanlar Heydər Əliyev də görürdü və onun məşhur iclasların birində K.Heydərova qol saatı ilə bağlı dedikləri də təsadüfi deyildi...
Digər tərəfdən, onun rəhbərlik etdiyi Fövqəladə Hallar Nazirliyinin fəaliyyətilə bağlı fikirlər də birmənalı deyil. Binəqədidə yaşayış binasında 15 nəfərin ölümü ilə nəticələnən yanğın, Mingəçevir SES-də bütün ölkənin işıqsız qalması ilə nəticələnən qəza, elə bu yaxın günlərdə “Diqlas” ticarət mərkəzinin yanması kimi hadisələr FHN-in fəaliyyətinin müzakirə mövzusuna çevirməklə, Heydərovun nazirliyinin öz işinin öhdəsindən heç də yüksək səviyyədə gələ bilmədiyini söyləyənləri kifayət qədər haqlı çıxardı. Xüsusilə “Diqlas”ın söndürülməsi zamanı nazirliyin müvafiq strukturlarının fəaliyyətinin qənaətbəxş olmadığı, əməliyyatın peşəkarlıq səviyyəsinin arzu olunanın xeyli altında qaldığı aşkar göründü.
“Diqlas”ın idarəçisinin sonradan geri götürməli olduğu “FHN şou göstərdi, yanğın söndürmədi” ifadəsi, eləcə də yanğın zamanı hər kəsin canlı izlədiyi görüntülər təsdiqlədi ki, nazirlik bu tip hadisələrə heç də lazımi səviyyədə hazırlıqlı deyil. Bunu yanğınsöndürmə briqadalarının hadisəyə vaxtında və effektli müdaxilə edə bilməməsi, lazımi miqdarda texnikanın dərhal hadisə yerinə göndərilməməsi, vertolyotların əməliyyata çox gec cəlb edilməsi, gələndən sonra da suyu yanğının üzərinə yox, kənara tökməsi və digər faktlar da təsdiqləyir.
Həmçinin, öncədən lazımi təhlükəsizlik tədbirlərinin görülməməsi də nazirliyin passivinə yazılmalıdır. Elə nazirliyin kimdən kimə şikayət etdiyi bilinməyən Dövlət Yanğından Mühafizə Xidmətinin rəis müavini, polkovnik Rza Xudiyevin “hər dəfə ora daxil olanda demişəm ki, bura barıt çəlləyidir” ifadəsi də bu strukturun öz işinə məsuliyyətsiz yanaşmasının və vaxtında lazımi tədbirlərin görülmədiyinin etirafı deyilmi?
Əlbəttə ki, işində ciddi nöqsanları olan yeganə nazirlik FHN, uzun illər müxtəlif yüksək postlar daşıyan tək məmur isə Kəmaləddin Heydərov deyil. Lakin elə “Diqlas”dakı yanğın zamanı hadisə yerinə gələn K.Heydərovun xarici görünüşündən və nitqindən də görünürdü ki, ADAM YORULUB! Və belə yorğunlar hökumətdə heç də az deyil...
Bütün bu qeyd etdiklərimizlə yanaşı, ola bilsin ki, biz T.Heydərovun “Qəbələ”nin prezidentliyindən istefasını bu cür ideallaşdırmaqda yanılırıq. Çünki bəzi “ağzıgöyçəklər” iddia edirlər ki, bu qərar heç də könüllü verilməyib və “Gilan Holdinq”in bir çox biznesləri kimi, klub da sadəcə dövr edilib, başqa əllərə keçib. Ancaq yenə də bu deyilənlərin həqiqət olmadığına və T.Heydərovun səmimiliyinə, həmçinin başda hörmətli Kəmaləddin müəllim olmaqla, hökumətdəki bir çox “yorğunların” gənc və Qərb təhsilli, dünyagörüşlü Heydərovun ölkəyə gətirmək istədiyi istefa mədəniyyətindən nümunə götürəcəklərinə inanmaq istərdik...
Cəlal MƏMMƏDOV
AzPolitika.info
Şərhlər
Heydərovların Azərbaycanda və xaricdə qurduqları biznes şəbəkəsi guya onların zhmətlə qazandıqları maaş hesabına baş tutub.Rüşvət və oğurluq.dövlət büdcəsi hesabına və hakimiyyətin bşluğundan istifadə sayəsində ələ keçirdiklərinin nəticəsidir. Bunu sübut etməyə ehtiyac varmı? On görə təriflənəcək heç bir tərəfi olmayan,mədəniyyətə dəxli olmayan,sistemin eybəcərliyidir.
taleh qebele f-k-dan istefa verib- ona gore ki artiq xercden qurtarmaq isteyir. yoxsa o gelirli vezifeden qetiyyen istefa vermezdi
Səmimi insan hər cür xoş sözə, tərifə layiqdir. Belə insanlar heyif ki, Vətənimizdə çox azdır. Bəli, istefa vermək özü mədəniyyətin bir növüdür, buna istefa mədəniyyəti deyirlər. İstefa verən adam istefasının səbəbini elə açıqlamalıdır ki, ətradakılar onun səmimiyyətinə inansın. Taleh Heydərovun yerinə olsa idim əlimi ürəyimin üstünə qoyub əsl səbəbi açıqlayardım, elə formada ki, onu eşidən səmimiyyətimə inanardılar. Heyif ki, hazırki vəziyyətdə heç də belə deyil.Şəxsən mən inanmıram. Məntiq deyilən elm var
Ay qardash, burada teeccubLu ne var ki?! ILLerdir genc yasLarindan (ata-baba ve oz potensiyaLi iLe) daxiLde ve xaricde o cure karyeraLar qurub, genish imkanLari var ve tecrubeLi-savadLi adamdir.. Onun neyine Lazimdir ki, iLin-gunun bu qarishiq vaxtinda heLe bir futboL kamandasi iLe de bir vaxt itirsin.. Bu onun uchun bir nov simvoliK ve menevi xarakterLi bir elave idi.. Gorunur artiq hech buna da vaxti yoxdu ve (indiki isLahatLar prossesinde) onu daha da diqqet merkezine saLirdi..
hormatli nadir kimsəsiz san ona gore kimsasiz qalmısan.Soruş niyə? Unutma-Kemaladdin və oqlunun varidatı mende olsaydı men neinki,Qəbələ Futbol klubunu maliyeleşdirardim,hatta Respublikada olan bütün futbol klublarını,kimsesiz aileleri,ağir xestelikle müalicəsi çətinliklə başa gələn ailə üzvlərini və en azından da yetmler,körpeler ve qocalar evlərini maliyeleşdirerdim.Allah da komek olardı. Unutma ki,hay-hayla gelen vay-vayla gedir.Onların da axırına az qalıb
Tale Heydərov----Səviyyəli-Mədəniyyətli--Ziyalı bir ailənin ogludur---Səxsən mən onunla Tanış deyiləm,amma Qəbələdə İdmana veridyi dəstək hər seyi göz onundə saxlayır--Yəni şərhə ehtiyac yox--Əksinə Azərbaycan idmanı -Qəbələ Futbolu itirdi,qaldıki burda yazılan şərhlərə,ayıbdır --adam kişi olar--Gedənin arxasınca danışmazlar bu qədər boş boşşş--Yolun açıq olsun Həyatda Tale qardaşım-
BRAVO...DUZUNU IRANLI AQAYI EWDER BILIR...ONDAN SORUWUN,ACIQLAMA VERSIN...XOMEYNI CANI...
"Yeniazərbaycan yolu"nda könüllü istefa mümkünsüzdür. Çünki azad olunmuş tam lokallaşdırılmalidir.Yəni "ya Sibir,ya qəbir" seçimindən birinə məhkumdur. Bəzi adamlarda yaranan "köhnələr (qocalar) getsə, gənclər gəlsə nə isə dəyişər" fikri isə heç cür keçərli deyil . Çünki yeniazərbaycan yolunda yeni kadrların edə biləcəyi yenilik əvvəlkilərin dünyadan kocənlərinə rəhmət qazanmaqdan başqa bir şeyin mümkün ola bilməməsidir.Ona görə də sadəlövh olmayaq.
Celal qardaw, bizde hec vaxt hec kim hec neden konullu imtina etmir. Bu istefa mene iwden "oz xahiw ile" "konullu" erize yazib cixanlari xatirlatdi
Hörmıtli müəllif. Uazdıqınızı bıyəndim. Həqiqətən Taleh Heydərovun istefası idman üçün böyük itkidir. Çox istərdik ki yerinə gələcək insan ən azından onin dəsti xəttini saxlasın və davam etdirsin..
Taleh Heyderov Qebeleni cox sevirdi boyuk ehtimalla elinden aliblar yeni ki mecbur olunub istefaya
Gedər inşallah, heç kim daimi deyil, yorulub
Bunlar deyirsiniz öz xosu ile vesifeden el ceksinler.Hec vaxt.Bunlar ancaq o dunyaya getseler belke el cekeler.
TALE HEYDƏROVUN İSTEFA VERİB-VERMƏMƏSİ MƏNİ TƏƏCCÜBLƏNDİRMİR. MƏNİ TƏƏCCÜBLƏNDİRƏN ODUR Kİ, BU GƏNC OLİQARX OĞLU NİYƏ VİCDANLI, İNTELLEKTLİ VƏ TƏRBİYƏLİDİR? AXI,DÜNYƏVİ QANUNLARA GÖRƏ BELƏ OLMAMALI İDİ.YEGANƏ MƏMUR OĞLUDUR Kİ, ONA XOŞBƏXTLİK ARZULATYIRAM.NƏDƏNSƏ BU ADAM MƏNƏ TƏMİZ VƏ İMANLI GÖRÜNÜR.
Bir kərə yüksələn bayraq bir daha enmir! Allah M.Ə.Rəsulzadəyə rəhmət etsin!! Hörmətli müəllif! Şərqin .... vəzifəyə bir dəfə gətirlən şəxs öz xoşu ilə bu vəzifədən istefa vermir. Çünki daxil olduğu kruqdan çıxmaq qəliz məsələdir!! Klan buna icazə vermir!
Kemaleddini oturduğu kreslodan heç S-400 də qopara bilməz.Onu ora otuzduran bir vaxt gələcək peşiman olacaq.Belke de olub. Soruşasan ki,ay Kəmaləddin milyardlarla varidatın sahibisən.hara aparacaqsan o varidatı,milyardları?Nə olar,heç olmasa varidatının 15%-ni xərclə kasıblara,evsizlərə,yetimlərə.Ya da varidatının 50% xərclə xarici dövlətlərdə olan kizli gəşfiyyat orqanlarına ki.düşmən Ermənini bir gecədə məhv eləsin.Hanı sənədə O fərasət? Maraqlıdır.......
Milyardları var. Kiçik bir işdən imtina edib. Dədəsi istefa versə bu qalan məmurlara ibrət dərsi olardı.