Kürdəmir İcra Hakimiyyətindən Çingiz Abdullayevin ittihamlarına CAVAB
Kürdəmir rayon icra İcra Hakimiyyətinin başçısı Ceyhun Səfərov Azərbaycanın xalq yazıçısı Çingiz Abdullayevin ittihamlarına cavab verib.
İcra başçısının köməkçisi Mirmahmud Mahmudov Bakupost.az-a açıqlamasında deyib ki, yazıçı Çingiz Abdullayev Kürdəmir rayonuna aprel ayının 4-də gəlib: "Çingiz Abdullayev Kürdəmirə bu ayın 4-də gəlib. O, rayona Nizami Gəncəvi adına muzeyin təşkilatçılığı ilə gəlmişdi. Həmin vaxt isə cənab başçı rayonun Mollakənd kəndində vətəndaşlarla səyyar görüşdə olub, ona görə də həmin tədbirdə iştirak edə bilməyib. Çingiz Abdullayevlə birlikdə rayona akademik Rafael Hüseynovun da gəldiyi xəbəri isə doğru deyil”.
Qeyd edək ki, xalq yazıçısı Ç.Abdullayev yerli KİV-ə müsahibəsində deyib ki, Kürdəmir rayonunda oxucularla görüşə gedib, lakin icra başçısı ona hörmətsizlik edərək həmin görüşə gəlməyib, hətta müavinini belə tədbirdə iştiraka qoymayıb: "Kürdəmir rayon İcra Hakimiyyətinin başçısı nə bizimlə görüşə gəldi, nə də bizim onunla görüşməyimizə imkan verdi. Hətta müavininə bizimlə görüşməyi qadağan etdi. Mənim görüşümə yüzlərlə oxucu gəldiyi halda, icra başçısı, hətta müavinini belə bizim yanımıza buraxmadı. İcra başçısı sadəcə bunu unutmamalıdır ki, o, mənə deyil, mən ona lazımlı adamam”.
Şərhlər
"O,mənə deyil,mən ona lazımlı adamam”.Əsl mofioz sözüdür.İcra başçısı təqdirəlayiq jest sərgiləyib.Qurtarmaq lazımdır saxtakar,fürsətgüdən yazıçıları yuxarı başa çəkməkdən.Heç 1 cəmiyyətdə belə şey yoxdur. Adamdakı təkəbbürün dərəcəsinə bax ki,icra başçısını pişvazında görmək istəyir.Bunları biz pis öyrətmişik.Adam özünü kiminsə gözünə soxmaq istəyir.Onun heç umurunda da deyil ki,Kürdəmir camaatı hansı problemlərlə yaşayır?Mən inmıram ki 1 nəfər də olsun könüllü onunla görüşə gedsin.Çingiz hara,Xalq hara.