“Məktəbi Hafiz Hacıyev səviyyəsinə endirməyin…” – TƏHSİL EKSPERTİ

Dərc olunub: 15/04/2019 - 17:37

etibar_eliyev_(8)“Məktəbi Hafiz Hacıyev səviyyəsinə endirməyin, cənablar! Heç olmasa bizim məktəblərin məzunlarının şəhidliyini, şagirdlərin Dünya Fənn Olimpiadalarında layiqli yer tutmalarını, dünyanın aparıcı universitetlərində nümunəvi oxumalarını da göz önünə gətirin”.

“AzPolitika.info”-nun məlumatına görə, bunları tanınmış təhsil eksperti Etibar Əliyev Müasir Müsavat Partiyasının sədri Hafiz Hacıyevin “Yeni Müsavat”ın canlı yayımında orta məktəblərlə bağlı sərt açıqlamalarına münasibət bildirərkən deyib.

Partiya sədri iddia edib ki, orta məktəblərdə narkomaniya baş alıb gedir.

Təhsil eksperti mövzuya həsr etdiyi “Facebook” statusunda yazır: “Hüquq-mühafizə orqanları Hafiz Hacıyevi “Yeni Müsavat”ın canlı yayınındakı bu ifadələrinə görə dindirəcəkmi? Hafiz Hacıyevdən sitat: “Məktəblərdə narkomaniya baş alıb gedir. Uşaqlar özlərinə əl- üz yumaq yerlərində narkotik iynələr vurdururlar. Bayramovun pulları azmı düşüb bunları edir?”

Açığı, bu cür ipləmədən məktəb haqqında nəsə soruşmağın özü qüsurludur. Adam cəmiyyətdə məktəbə qarşı nifrətə çağrış edir. Məktəbi Hafiz Hacıyev səviyyəsinə endirməyin, cənablar!”










loading...


Fikrinizi bildirin