Dünyanın ən böyük kompüter istehsalçıları açıqlanıb

Dərc olunub: 15/04/2019 - 21:35

KOMP-768x577“IDC” analitik şirkəti fərdi kompüterlər bazarında aparılan tədqiqatın nəticələrini açıqlayıb. Cari ilin birinci rübünün yekunları üzrə lider tədarük həcmi 13,58 milyon qurğu təşkil edən ABŞ-ın “HP Inc.” şirkəti olub. Bu, bazarın ümumi həcminin 23,2 faizinə bərabərdir.

AZƏRTAC xarici KİV-lərə istinadla xəbər verir ki, ikinci yerdə əvvəlki iki rüb ərzində lider olan “Lenovo” şirkəti qərarlaşıb. 13,427 milyon qurğu tədarük edən Çin istehsalçısı bazarda 23 faiz paya sahib çıxıb. Üçüncü pillədə 10,379 milyon qurğu və 17,7 faiz bazar payı ilə ABŞ-ın “Dell Technologies” şirkəti yer alıb. Dördüncü mövqedə qərarlaşan “Apple” şirkəti isə 4,058 milyon qurğu və 6,9 faiz payla ilk liderlər üçlüyündən xeyli geri qalıb.

Liderlər beşliyini 3,588 milyon qurğu və 6,1 faiz tədarük payı ilə Tayvanın “Acer Group” şirkəti tamamlayıb. İlk beş aparıcı istehsalçının dünya fərdi kompüterlər bazarında ümumi payı isə 75 faiz təşkil edir.

Qeyd olunur ki, 2019-cu ilin birinci rübündə dünyada 58,484 milyon fərdi kompüter istehsal edilib ki, bu da ötən ilin müvafiq dövründən 3 faiz azdır.










loading...


Fikrinizi bildirin